സുഡാനിൽ ബോംബാക്രമണത്തിൽ ആശുപത്രി ആക്രമിക്കപ്പെട്ടു

സി. റൂബിനി ചിന്നപ്പ൯ സി.റ്റി.സി, വത്തിക്കാ൯ ന്യൂസ്

സ്ഫോടനത്തിൽ ഒരു സന്നദ്ധപ്രവർത്തകൻ ഉൾപ്പെടെ മൂന്ന് പേരെങ്കിലും കൊല്ലപ്പെട്ടു.

കഴിഞ്ഞ വർഷം ഏപ്രിലിൽ സംഘർഷം പൊട്ടിപ്പുറപ്പെട്ടതുമുതൽ സുഡാനെ ബാധിച്ചിരിക്കുന്ന അക്രമത്തിന്റെ രൂക്ഷവും വിവേചനരഹിതവുമായ സ്വഭാവമാണ് ഈ ദാരുണമായ സംഭവം അടിവരയിടുന്നത്.

യുദ്ധത്തിൽ തകർന്ന പ്രദേശത്ത് അവശ്യ വൈദ്യ ശുശ്രൂഷാ സേവനങ്ങൾ പ്രദാനം ചെയ്യുന്ന അൽ നാവോ മേഖലയിൽ ഇപ്പോഴും പ്രവർത്തിക്കുന്ന ഏറ്റവും വലിയ പൊതു ആരോഗ്യ കേന്ദ്രമായിരുന്നു അത്.  

ഈ സുപ്രധാന ആരോഗ്യ സംരക്ഷണ സ്ഥാപനത്തിന് നേരെയുള്ള ആക്രമണം സുഡാനിലെ ജനങ്ങൾ നേരിടുന്ന ഗുരുതരമായ മാനുഷിക പ്രതിസന്ധിയെ എടുത്തുകാണിക്കുന്നു, കാരണം ആശുപത്രികളേയും  ഉദ്യോഗസ്ഥരേയുമാണ്  നടന്നുകൊണ്ടിരിക്കുന്ന സംഘട്ടനത്തിൽ ലക്ഷ്യമാക്കി വരുന്നത്.