കോംഗൊയിലെ ദക്ഷിണ കിവുവിൽ സമാധാന സംസ്ഥാപനത്തിന് മതസമൂഹങ്ങൾ!

ജോയി കരിവേലി, വത്തിക്കാൻ സിറ്റി

കോംഗൊ പ്രജാധിപത്യറിപ്പബ്ലിക്കിൽ വർഷങ്ങളായി സായുധസംഘങ്ങൾ തമ്മിലുള്ള പോരാട്ടത്തിൻറെ വേദിയായ തെക്കെ കിവുവിൽ സമാധാനസംസ്ഥാപന പ്രക്രിയയിൽ വിവിധ മതവിഭാഗങ്ങൾ മുന്നിട്ടിറങ്ങുന്നു.

ഇക്കഴിഞ്ഞ 21-ന് തെക്കെ കിവുവിലെ ബുക്കവുവിൽ നടന്ന മതാന്തരസമ്മേളനത്തിലാണ് ഈ തീരുമാനം ഉണ്ടായത്.

വിവിധ ക്രൈസ്തവവിഭാഗങ്ങളും മുസ്ലീങ്ങളും ഈ സമ്മേളനത്തിൽ പങ്കെടുത്തു. സമാധാനസംസ്ഥാപന പ്രക്രിയയിൽ മതസമൂഹങ്ങളേകുന്ന സംഭാവനകളെ തെക്കെ കിവുവിൻറെ ഗവർണ്ണർ ശ്ലാഘിച്ചു.

രാഷ്ടീയ ആദ്ധ്യാത്മിക വിത്യാസമില്ലാതെ സകലരും സമാധാനത്തിനായുള്ള യത്നത്തിൽ പങ്കുചേരണമെന്ന് ഗവർണ്ണർ പറഞ്ഞു. പ്രേഷിതവാർത്ത ഏജൻസി ഫീദെസ് ആണ് ഈ വിവരങ്ങൾ നല്കിയത്.