Rajoni i Lazios: Rocca te Papa "angazhohet për të mbështetur njerëzit e cenueshëm"

R.SH. - Vatikan

“Dialogu me Atin e Shenjtë është gjithmonë një burim i madh frymëzimi, prej të cilit dalin fjalë dhe koncepte të afta për të promovuar një shoqëri më të drejtë”. Kështu tha Francesco Rocca, president i Rajonit të Lazios, Itali, në një postim në Facebook shoqëruar me foto të audiencës së sotme që pati me Papën Françesku.

“Nga ana jonë, si rajon i Lazios, i shpreha Papës përkushtimin konkret për të mbështetur më të cenuarit e shoqërisë dhe grupet e margjinalizuara, për t’u rikthyer dinjitetin e tyre dhe për të ndërtuar një rrjet që mbështet shumë brishtësi sociale”, nënvizoi Rocca.