Nikaragua, ndalohen dhjetë shoqata të tjera

R.SH. / Vatikan

Një plaçkitje e heshtur, e kryer në mënyrë sistematike, e cila gradualisht po fshin nga gjeografia e shoqatave të vendit dhjetëra e dhjetëra realitete të krishtera e katolike, e jo vetëm. Rreth dhjetë ditë më parë qeveria e Nikaraguas shpalli të jashtëligjshme mbi dhjetë organizata, duke ua konfiskuar edhe pasuritë. Ndërmjet tyre, Scouts dhe Fraternidad Misioneras del Fiat de María.

Dje një sulm i ri ndaloi dhjetë subjekte të tjera, duke përfshirë fondacione e shoqata fetare, ndërmjet të cilave, një katolike, e edhe universitete e organizata joqeveritare. Vendimi i Ministrisë së Brendshme erdhi përmes një dekreti, që anulon personalitetin juridik të shoqatave jofitimprurëse.

Akuza i ngjet krejtësisht herëve të tjera, në të kaluarën e afërt: shkelje dhe parregullsi në paraqitjen e bilanceve.

U anulua edhe regjistrimi në Universitetin “Maria Guerrero”, shkollë e lartë e administrimit, tregtisë dhe doganave. Ndërsa më 16 janarin e kaluar, 16 OJQ u shpallën të parregullta. Dhjetë prej tyre ishin katolike ose ungjillore. Nëntë, sipas burimeve zyrtare, u damkosën me të njëjtën akuzë për mosrespektim të rregulloreve të caktuara për to. Që nga viti 2018, u ndërpre veprimtaria e mbi 3,500 partive politike, shoqatave dhe OJQ-ve. Këto janë veprime të përsëritura të qeverisë Ortega!