Shenjtorët e javës 11 - 18 shkurt
R.SH. / Vatikan
E diel 11 shkurt, Kisha katolike kremton të dielën e 6-të gjatë vitit kishtar, ciklit të dytë 'B', e gjithnjë më 11 shkurt kalendari kishtar Kisha katolike kremton festën e Zojës së Bekuar të Lurdë dhe Ditën kushtuar të Sëmurit.
Ungjilli i kësaj së diele nga Marku (Mk 1,40-45 )na tregon Jezusin i cili, duke e shëruar të gërbulurin, përkulet mbi mjerimin, mbi sëmundjen e mbi vuajtjen njerëzore. Këtë Jezusi e bën, plot përdëllim, respekt dhe falas. Duke takuar mjerimin njerëzor, ta imitojmë Jezusin, duke i dhënë të afërmit ndihmën tonë konkrete, një fjalë shprese e një gjest ngushëllimi.
Të hënën më 12 shkurt, K 12 shkurt kalendari liturgjik përkujton martirët e Abitenes., shën Saturninin me shokë, e shën Benediktin e Anianit.
Të martën më 13 shkurt, kalendari përkujton të Lumin Jordani i Saksonisë, meshtar dominikan.
Të mërkurën më 14 shkurt, bie e Mërkura e Përhime, me të cilën Kisha katolike romake e fillon kohën liturgjike të Kreshmëve. Kjo kohë liturgjike e shpirtërore është një rast i ri dhe i volitshëm për përgatitjen tonë shpirtërore për kremtimin e Pashkëve të Jezu Krishtit.Kreshmët janë kohë që na fton të bëjmë vepra bamirësie, të pendohemi, të agjërojmë e të kthehemi në rrugën e Hyjit, duke iu lutur me gjithë zemër Zotit për të na falur, me vetëdijen se të gjithë jemi mëkatarë. Nënvizojmë se për besimtarët e Mërkura e Përhime është ditë agjërimi e lutjeje.
Gjithnjë më 14 shkurt, kalendari kishtar përkujton edhe shën Çirilin, murg e shën Metodin, ipeshkëv, Pajtorë të Evropës si dhe shën Valentinin.
Të enjten më 15 shkurt, kalendari përkujton shën Onezimin, nxënës i shën Palit, shën Faustinin e shën Gjovitën, martirë.
Të premten më 16 shkurt, kalendari kishtar shën Gjylianën, virgjër e martire, të Lumin Jozefin Allamano.
Të shtunën më 17 shkurt kalendari Kishtar përkujton Shtatë themeluesit e Urdhrit të Shërbëtorëve të Virgjërës Mari, ndërmjet të cilëve Aleks Konfalonieri.
Të dielën e ardhshme që vejn më 18 shkurt, Kisha katolike e ritit romak do të kremtojë të Dielën e Parë të kohës së Kreshmëve, 'B', po më 18 shkurt, kalendari përkujton të Lumin Gjovani nga Fiesole, i njohur me emrin i lumi Angjeliko, meshtar domenikan.
