Më 13 korrik kalendari kujton shën Henrikun II, Perandor
R. SH. - Vatikan
Më 13 korrik kalendari kishtar përkujton shën Henrikun II, fytyra e një politike koherente, dëshmi e vlerave që shpall. Shën Henriku II, i cili qe Perandor i Peradnosiës së Shenjtë Romak midis 1014 dhe 1024, me dëshminë e tij, ende sot profetike, tregon fytyrën e një politikani që di të vihet në shërbim, veçanërisht të atyre që janë më në nevojë, që i jeton personalisht vlerat që i shpall dhe që, me fjalë, thotë se i mbron.
Duka i Bavarìsë, qe kurorëzuar perandor më 1014 nga Papa Benedikti VIII. Mbretëroi duke u përkujdesur për promovimin dhe ngritjen njerëzore të krishterë të njerëzve. Prapa insistimit të tij Papa Benedikti VIII e vendosi 'Besojmën e krishterë' në Meshën e së dielave dhe të festave kryesore.
Nëse Henriku II hyri në rrugën e shenjtërisë personale e të reformës së Kishës, kjo është meritë edhe e bashkëshortes së tij, Kunegondës, gruas së jashtëzakonshme me shpirt tejet delikat. Pasi u kurorëzua perandor në bazilikën e shën Pjetrit në Vatikan, më 14 shkurt të vitit 1014 nga papa Benedikti VIII, Henriku ndjeu thellë përgjegjësinë e madhe që kishte ndaj krishterimit dhe nisi veprën e reformës, duke pasur pranë vetes njerëz të shenjtë si Odiloni Clynit, Rikardi i shën Vanne e Romaludi, themelues i murgjve kamaldolezë.
Ndërroi jetë në vitin 1024. Në një letër drejtuar popullit të vet, Henriku II pat shkruar: “Mësimet e Shkrimit Shenjt, Biblës na ftojnë t’i braktisim pasuritë e përkohshme e rahatitë e kësaj toke e të kërkojmë me çdo mjet arritjen ndër banesat e amshuara të qiellit”.
Shën Henriku II Perandor është shembull ndershmërie dhe drejtësie në artin e vështirë të qeverisjes: për këtë shën Henriku është zgjedhur si pajtor qiellor i mbretërve dhe i perandorëve.
