Shën Ludgeri i Münsterit, një nga apostujt e Gjermanisë

R.SH. / Vatikan

Historia e Shën Ludgerit, ipeshkvit të parë të Munsterit, i lindur rreth vitit 745 në Frisia (në gjermanisht: Ostfriesland) , në një familje fisnike, lidhet me një ngjarje të re në botën e krishterë: në atë epokë krishterimi kaloi kufijtë e Perandorisë Romake, me ungjillëzimin e Gjermanisë trans-Rhenike.

Kështu, shën Ludgeri i Münsterit është një nga apostujt e Gjermanisë, një apostull i palodhur në zemër të Evropës. Përhapja e Ungjillit në Evropë është vepër e një pune të gjatë të kryer nga heronjtë e vërtetë të fesë. Përballja me popullsitë pagane, veçanërisht në rajonet veriore, nuk ishte e lehtë dhe shpesh çoi në reagime të dhunshme. Ndër apostujt e palodhur që iu përkushtuan ungjillëzimit të këtyre vendeve ishte edhe shën Ludgeri, i cili, i shuguruar meshtar në Këln në vitin 777, solli fenë e krishterë dhe iu përkushtua ungjillëzimit në Frisia, ku lindi në vitin 745.

Në vitin 776, gjatë ekspeditës së parë në këtë zonë, Karli i Madh donte që të gjithë luftëtarët e mundur të pagëzoheshin, por një revoltë e detyroi Ludgeron të ikte në Montecassino. Ishte vetë Karli i Madh që, më pas, arriti te Ludgero, duke e dërguar atë sërish në atdhe. Në vitin 795, rregulltari ngriti manastirin, i cili u bë bërthama e qytetit të Munsterit, ku më vonë u bë ipeshkëv. Vdiq në vitin 809.