KISHA

"Engjëjt në viset tona": historia, teksti, muzika

Titullohet “Les anges dans nos campagnes”, një nga këngët më të kënduara të Krishtlindjes. Tingujt e saj, bashkë me fjalët, fluturojnë mbi viset e mbarë botës. Jehona e këngës gazmore tund kodra e male. Barinjtë pyesin: “Kush kthen ngadhënjimtar nga beteja me himne kaq gazmore?”. E si marrin gjegje, nisen së bashku me grigjët e tyre, kah Shpella e Betlehemit. Ka ardhur koha aq e pritur! Krishti, Mesia, Zoti-me-ne, ka zbritur prej qiellit, i rrethuar prej koreve qiellore.

R.SH. / Vatikan

Vijojmë shtegtimin e Krishtlindjes. Jemi pranë Shpellës së Betlehemit, në takim me Krishtin Fëmijë, duke këndusar me Engjëjt një nga këngët më të kënduara këto ditë të lume.

Flut’rojnë engjëjt në viset tona: historia, teksti, muzika, titullohet “Les anges dans nos campagnes”, një nga këngët më të kënduara të Krishtlindjes. Tingujt e saj, bashkë me fjalët, fluturojnë mbi viset e mbarë botës. Jehona e këngës gazmore tund kodra e male. Barinjtë pyesin: “Kush kthen ngadhënjimtar nga beteja me himne kaq gazmore?”. E si marrin gjegje, nisen së bashku me grigjët e tyre, kah Shpella e Betlehemit. Ka ardhur koha aq e pritur! Krishti, Mesia, Zoti-me-ne, ka zbritur prej qiellit, i rrethuar prej koreve qiellore.

Këtë atmosferë krijon kënga, teksti e muzika e së cilës lindën në Francën e shekullit XVIII, në një natë të papërcaktuar Këshndellash. E panjohur, kisha ku u këndua së pari. E panjohur, koha. E i panjohur edhe autori i tekstit e i muzikës, në të cilën ndjehet fort frymëzimi i himneve të Mesjetës, që këndoheshin gjatë kremtimeve për lindjen e Jezusit. Në këngë bashkojnë zërat engjëj e barinj e grigjë, e himni i krijimit të ri fluturon mbi botën mbarë. Prej këndej, bota mbarë e këndon himnin e lashtë francez “Les anges dans nos campagnes”, të përkthyer në një mori gjuhësh. Madje kënga shpesh këndohet me strofa të përkthyera në gjuhë të ndryshme, duke krijuar kështu frymën e vëllazërimit universal, që i kapërcen edhe kufijtë e gjuhëve.

Kështu e këndojmë edhe ne, redaktorët e Radio Vatikanit, ku flitet me 40 gjuhë, kur mblidhemi së bashku në Kapelën e Zojës Nunciatë për Meshën e Krishtlindjes, pas një viti pune, ngarkuar me shqetësimet e mbarë botës. E këndojmë një strofë frëngjisht, një anglisht, një spanjisht e madje edhe një polonisht. E ne, shqiptarët, nën zë, me tekst në gjuhën shqipe. Provoni ta këndoni edhe ju, duke ndjekur melodinë e saj tejet të njohur:

Flut’rojnë Engjëjt në viset tona,

E këndojnë himne qiellore.

Tunden malet nga jehona,

E kësaj kënge kaq gazmore!

Lumni Zotit i qoftë në qiell!

Barinjtë pyesin kush kremton?

Kush i këndon këngët e reja?

Kush fitoren po feston,

Duke kthyer nga beteja?

Lumni Zotit i qoftë në qiell!

O barinj erdh çasti i lum,

Sot Mesisë ne t’i këndojmë,