Hapet rruga drejt procesit të lumnimit të Át Anton Harapit
R.SH. – Vatikan
Át Anton Harapi, meshtar i Urdhrit të fretërve minorë, teologu, filozofi, sociologu dhe prozatori i mirënjohur e jo më pak, edhe atdhetari i flaktë shqiptar, është martir i Krishtit, për këte Kisha ka vendosur për "rishqyrtimin e mundësisë së hapjes së një procei të ri për të pohuar se martirizimi i At Anton Harapit ishte si shkak të urrejtjes ndaj fesë", " të fillojmë punën paraprake për hapjen e një kauze të re Lumturimi", thuhet në vendimin e Konferencës Ipeshkvore Katolike të Shqipërisë
Pra, jo më larg se më 23 dhjetor, kryeipeshkvi metropolit i Shkodër-Pultit, imzot Angelo Massafra, njëkohësisht, kryetar i Konferencës Ipeshkvnore të Shqipërisë, nënshkroi vendimin e ipeshkvijve shqiptarë për të mbledhur të gjitha dëshmitë dhe dokumentacionin, që ka të bëjë me jetën, veprën dhe martirizimin e françeskanit të madh.
Kujtojmë se Át Anton Harapi qe një nga katër regjentët në qeverinë e krijuar gjatë pushtimit nazist të Shqipërisë, gjë që iu konsiderua si mëkat i pafalshëm nga komunistët, të cilët e pushkatuan, së bashku me Lef Nosin dhe me Maliq bej Bushatin, në vitin 1946, në periferi të Tiranës. Janë të shumtë besimtarët katolikë, që vazhdimisht kanë kërkuar njohjen e vlerave e të virtyteve të tij nga Kisha, duke e ditur se martirizimi i Át Anton Harapit i atribuohet kryesisht urrejtjes për fenë të atyre, që nuk deshën të marrin parasysh kontributin e tij në favor të atdheut dhe të shqiptarëve, edhe nën nazistët gjermanë, si edhe nuk deshën të lexonin - për ta kuptuar intelektualin e shquar - kryevepra si “Andrra e Pretashit”, “Valë mbi valë”, “Vlerë shpirtnore” dhe “Shqiptari dhe bota e tij”.
Të dëgjojmë kryeipeshkvin metropolit të Shkodër-Pultit imzot Angelo Massafra:
Të dëgjojmë më hollësisht zëdhënësin e Konferencës Ipeshkvnore të Shqipërisë, don Mark Pashkja…
