Lutje e Nënë Terezës: Zemra e Zotit, pranoje zemrën tonë!
R. SH. - Vatikan
Lutje e Nënë Terezës, për t’u thënë në të kremten e Zemrës së Krishtit.
O Jezus Hyjnor, ti që ke thënë:
“Kërko, e do të gjesh;
trokit - e do të të hapet”.
Sot, në gjunjë ndër këmbë tua
përplot me fe të gjallë
e me besim në premtimet
e dala nga Zemra jote;
shqiptuar nga buzët e adhuruara,
vijmë e ndihmë të kërkojmë ….
E kujt tjetër mund t’ia kërkojmë
o i dashuri Jezus, nëse jo Ty?
Nëse jo Zemrës sate,
gurrë e pashterrshme hiresh?
Ku ruhen të gjitha thesaret?
Prandaj vrapojmë drejt teje:
pse gjejmë ngushëllim e prehje,
strehë e forcë, hir e mbrojtje!
O Zot i mëshirës, ndihmën
kujt tjetër mund t’ia kërkojmë…
Por sido t’na përgjigjesh
me mrekulli - a mohim,
pranë teje do të na kesh
me lutjen e zjarrtë gjithmonë:
Ti, Zemra e Zotit, denjoju
e pranoje zemrën tonë!
