Nikaragua, valë e re arrestimesh të meshtarëve. Autoritetet heshtin
R.SH. - Vatikan
Kisha në Nikaragua po jeton një valë të re arrestimesh të meshtarëve, sipas raporteve në shtypin e Nikaraguas. Dje, e premte 2 gusht, u arrestuan tetë priftërinj dhe një diakon, shumica e të cilëve i përkisnin dioqezës së Matagalpës. Nëntë vetë, përveç tre të arrestuarve ditët e fundit. Autoritetet nuk kanë dhënë ende informacion zyrtar për vendndodhjet dhe arsyet e arrestimeve.
Emrat e të arrestuarve
Priftërinjtë e arrestuar, sipas faqes së pavarur të internetit Despacho 505, janë: Jairo Pravia, famullitar i Iglesia Inmaculada Concepción; Victor Godoy, famullitar i Iglesia Inmaculada Concepción; Marlon Velásquez, administrator i Iglesia Santa Lucía; Antonio López, famullitar i Nuestro Señor de Veracruz de Ciudad Darío; dhjaku Erwin Aguirre, i kishës Nuestro Señor de Veracruz de Ciudad Darío; Raúl Villegas, famullitar i kishës Nuestra Señora de Guadalupe de Matiguás; Francisco Tercero, famullitar i kishës Santa Faustina Kowalska, Solingalpa; Silvio Romero, famullitar i kishës San Francisko de Asís, dioqeza e Juigalpa.
Një javë arrestime
Ky shkallëzimi i arrestimeve filloi më 27 korrikun e kaluar, me arrestimin e priftit gati tetëdhjetë vjeçar Frutos Constantino Valle Salmerón, administrator "ad Omnia" i dioqezës së Estelí. Më pas, më 1 gusht, dy priftërinj u arrestuan gjatë festivalit fetar të Santo Domingo de Guzmán.
