Imzot Gjergj Meta: sinodaliteti është rrugë e pakthyeshme për Kishën
R.SH. – Vatikan
I pranishëm në Sinodin mbi sinodalitetin së bashku me kryeipeshkvin metropolit të Tiranë-Durrësit, imzot Arjan Dodajn, kryetari i Konferencës Ipeshkvnore të Shqipërisë, imzot Gjergj Meta, ipeshkëv i Rrëshenit, reflekton mbi rrugën e ndërmarrë nga Kisha Katolike me këtë asamble ipeshkvijvsh, që i nisi punimet në vitin 2021 e me etapa, po shkon drejt përfundimit. Vërtet, të shtunën, pjesëmarrësit në Sinod do t’i paraqesin Papës Françesku dokumentin e tyre përfundimtar me sugjerimet për të ardhmen, nga të cilat Ati i Shenjtë do të zgjedhë ato, që do të paraqesë në Nxitjen e tij post-sinodale. Imzot Gjergj Meta nënvizon se sinodaliteti është rrugë e pakthyeshme në Kishë e, edhe në Shqipëri, duhet të mendohet një mënyrë për të rimarrë në dorë traditën e koncileve të dikurshme e të këshillimeve me popullin e Zotit, që ai të përfshihet më shumë në jetën e krishtërimit shqiptar. Ta dëgjojmë…
