Amerikë-Kansas, famullitari u qëllua për vdekje në konakun e Kishës

R.SH. / Vatikan

Don Arul Carasala, famullitar i Kishës së Shën Pjetrit e Shën Palit në Seneca, qytet që ndodhet në veri-lindje të Kansasit, u vra, i qëlluar nga një i panjohur, ndërsa ishte në rektoratin e tij. Sipas hetimeve fillestare vrasësi, i cili tashmë ndodhet në paraburgim, është i moshuar e i panjohur për famullitë. Nuk dihen ende arsyet e këtij gjesti, por policia po heton. Tre të shtëna me armë qëlluan në drejtim të priftit, i cili vdiq pak pasi mbërriti në spital.

Don Arlu Carasala u shugurua meshtar në vitin 1994 në Indi, vendi i tij i origjinës. Kishte kryer shërbimin baritor në Kansas që nga viti 2004. Ishte shtetas amerikan që në vitin 2011, vit në të cilin u emërua famullitar i kishës së Shën Pjetrit dhe Palit në Seneca, qytet me disa mijëra banorë.

Kryeipeshkvi Metropolitan i Kansas City, Joseph Naumann, përmes një postimi në kanalet e tij, në rrjetet sociale, e quajti vrasjen "akt të pakuptimtë dhune" që e la bashkësinë "në dhimbje për humbjen e një prifti të dashur", i cili gjithashtu ishte "mik".

Në të njëjtin postim, Kryeipeshkvi saktësoi se "nuk ka asnjë kërcënim për bashkësinë e besimtarëve, duke pranuar edhe "dhimbjen dhe tronditjen" e shkaktuar nga vdekja e meshtarit: "Atë Carasala, bari i kushtuar dhe i zellshëm, i shërbeu me besnikëri Kryedioqezës sonë për më shumë se njëzet vjet, duke përfshirë edhe dekanin e rajonit Marshall-Nemaha".