Papa dhe kardinajtë e rinj vizitojnë Benediktin XVI

R. SH. - Vatikan

Dje pasdite, në përfundim të Koncistorit, Papa Françesku dhe kardinajtë e rinj - njofton Zyra e Shtypit e Vatikanit - shkuan për një vizitë në Manastirin Mater Ecclesiae për të takuar Papën e Nderit, Benedikti XVI, për një përshëndetje të shkurtër.

Pasi morën bekimin e Benediktit, së njëherësh me atë të Françeskut dhe thanë së bashku lutjen Të Falem Mbretëreshë, kardinajtë e rinj shkuan në Pallatin Apostolik dhe në Sallën Pali VI, ku pritën miq e dashamirë, ardhur për t’i uruar për këtë ditë të madhe!

Vizita në manastirin Mater Ecclesiae në Vatikan, tashmë bërë zakon gjithmonë i ri, duke nisur nga Koncistori i vitit 2016. Në dy rastet e para të vitit 2014 dhe 2015, Benedikti XVI mori pjesë në festë, në Bazilikën e Shën Pjetrit.