Françesku: në Gaza vriten civilë të pambrojtur,"është luftë, terrorizëm"
R. SH. - Vatikan
“Dikush thotë: ‘Është terrorizëm, është luftë’. Po, është luftë, është terrorizëm! Për këtë arsye Shkrimi pohon se “Zoti i bën të pushojnë luftërat... i thyen harqet dhe i copëton shtizat" (shih Ps 46:9). Le t'i lutemi, prandaj, Zotit për paqe".
Pas lutjes së Engjëllit në Sheshin e Shën Pjetrit, Françesku bëri përsëri thirrje për atë që po ndodh në Tessa Santa, pas sulmit izraelit në famullinë latine të Familjes së Shenjtë në qytetin e Gazës, që shkaktoi vdekjen e dy grave, nënë e bijë: Naheda dhe Samar.
Dhimbja për vdekjen e civilëve
Papa po e ndjek me shqetësim evolucionin tragjik të konfliktit në Lindjen e Mesme: “Vazhdoj të marr lajme shumë të rënda dhe të dhimbshme nga Gaza”, pohon:
“Civilët e paarmatosur janë objket i bombardimeve dhe i të shtënave. E kjo ndodhi edhe brenda kompleksit famullitar së Familjes së Shenjtë, ku nuk ka terroristë, por familje, fëmijë, të sëmurë, invalidë, murgesha. Një nënë dhe vajza e saj, zonja Nahida Khalil Anton dhe vajza e saj Samar Kamal Anton, u vranë, të tjerë u plagosën nga gjuajtësit e zgjedhur, teksa po shkonin në banjë... U dëmtua shtëpia e motrave të Nënë Terezës e u godit gjeneratori i tyre. Dikush thotë: ‘Është terrorizëm, është luftë’. Po, është luftë, është terrorizëm. Kjo është arsyeja pse Shkrimi Shenjt thotë: ‘Hyji bën që luftërat të pushojnë... i thyen harqet e i copëton shtizat" (shih Ps 46:9). Le t'i lutemi Zotit për paqe”.
OMS: spitali Al-Shifa, pellg gjaku
Organizata Botërore e Shëndetësisë (OBSH) bëri të ditur se mori pjesë në një mision të përbashkët të Kombeve të Bashkuara për të sjellë furnizime mjekësore dhe për të vlerësuar situatën në spitalin Al-Shifa, në Gaza. Ekipi dërgoi ilaçe dhe pajisje kirurgjikale e ortopedike, materiale anestezie e ilaçe në spitalin, i cili "aktualisht funksionon fare pak” - pohon OBSH, cituar nga gazeta Haaretz. Dhoma e urgjencës në spitalin al-Shifa, më i madhi në Gazën veriore, është shndërruar "në pellg gjaku", ndërsa objekti "ka nevojë për rianimacion" - pohon Organizata Botërore e Shëndetësisë. OBSH, e cituar nga Guardian, kujtoi se "dhjetëra mijëra njerëz të zhvendosur po përdorin ndërtesën e spitalit dhe mjediset për t'u strehuar" dhe se ka "mungesë serioze" të ujit të pijshëm dhe të ushqimit. Sallat e operacionit nuk funksionojnë për shkak të mungesës së karburantit, oksigjenit dhe furnizimeve të tjera - pohon organizata- që flet 'për qindra të plagosur'.
Në Gaza vazhdon ndërprerja e dritës
Ndërprerja e komunikimeve telefonike dhe e shërbimeve të internetit në Gaza vazhdon në atë që, deri më tani, është periudha më e zgjatur që nga fillimi i luftës. Dy kompanitë kryesore në Strip, Paltel dhe Jawall, njoftuan përfundimin e shërbimeve "për shkak të agresionit izraelit" në enklavën palestineze pasditen e së enjtes së kaluar, kur nisi dhe ndërprerja. Burimet amerikane - të cituara nga media amerikane dhe të raportuara nga ANSA - nënvizuan "nevojën ekstreme" që shërbimi të rikthehet, edhe me përpjekjen e Izraelit - shtuan ata - për të pakësuar viktimat civile.
