Ipeshkvijtë e Sardenjës tek Papa, Imzot Mura: të lum që i përkasim Kishës universale

R.SH. / Vatikan

 “Jemi të lumtur që biseduam me Atin e Shenjtë. E që e dëgjuam!”. Imzot Antonio Mura, Kryetar i Konferencës Ipeshkvnore të Sardenjës, Itali, është i kënaqur. E tregon buzëqeshja e i tij, ndërsa flet para mikrofonave të Radio Vatikanit - Vatican News, në përfundim të audiencës së mëngjesit të sotëm me Papën Françeskun. Intervistë rreth një orë e gjysmë, “në një klimë të bukur” por edhe plot përmbajtje. "Mundësi e këndshme për dialog" e quan Kryeipeshkvi, në të cilin prelatët, së bashku me Françeskun, i bënë vetes dhe njëri-tjetrit pyetjen: “Çka përfaqëson tani Sardenja për Kishën dhe "sa dëshiron të jetë edhe krishterisht e shoqërisht".

Sfidat për të ardhmen

Sfida, probleme, çështje kritike, por edhe risi e dëshirë për të propozuar përgjigje për pyetjet që “na bën shoqëria civile, si Konferencë Ipeshkvnore”, me vetëdijen që nuk jemi vetëm. “Gjatë takimit - vazhdon imzot Mura, - Papa na dëgjoi kur i bëmë disa pyetje. Pyetje që kanë të bëjnë me “vizionin e Atit të Shenjtë për Kishën në përgjithësi”, por, mbi të gjitha, në këto rrethana,  për të tashmen dhe të ardhmen e dioqezave të ishullit. “Takim pozitiv” pra, në të cilin “klima ishte e këndshme” komenton ipeshkvi sard: “Rreth tij e ndjemë veten si Kishë e Sardenjës, të lumtur që i përkisnim Kishës universale”.