Papa: shoqëria vëllazërore ndërtohet me aleancën ndërmjet të rinjve dhe të moshuarve

R.SH. – Vatikan

“Ne kemi nevojë për një aleancë të re ndërmjet të rinjve dhe të moshuarve, në mënyrë që limfa e atyre që kanë një përvojë të gjatë jete pas, të mund të ushqejë sythat e shpresës së atyre që po rriten. Kështu ne mësojmë bukurinë e jetës dhe krijojmë një shoqëri vëllazërore. #GjyshëritPleqtë”. 

Postimi i Papës Françesku botuar sot, 24 korrik 2024, në platformën X, @Pontifex, paraprin dy data domethënëse: përkujtimin liturgjik, më 26 korrik, të Shenjtorëve Joakini dhe Ana, prindërve të Shën Marisë Virgjër dhe Ditën Botërore të Gjyshërve dhe të Moshuarve, në program të dielën, më 28 korrik.