Papa në kremtimin e Zojës së Dëborës, mrekulli, që vijon të bëjë mekulli!
R.SH. - Vatikan
Papa Françesku do të marrë pjesë në Mbrëmësoret e 5 gushtit në Bazilikën e Zojës së Madhe, në Romë, pjesë e kremtimeve për festën e Zojës së Dëborës, që filluan sot (2 gusht). Bazilika Papnore e Shën Marisë së Madhe i fton të gjithë - besimtarët, banorët dhe turistët - të marrin pjesë në një nga festat historike dhe tradicionale më të dashura në kryeqytetin italian. Festa paraprihet në datat 2-3-4 gusht nga një Triditësh në orën 18:00.
Të hënën më 5 gusht, në përvjetorin e Kushtimit të Bazilikës dhe të Solemnitetit të Zojës së Dëborës, rinisin "reshjet e borës" tradicionale në kujtim të ngjarjes së mrekullueshme që ndodhi në shekullin IV nën papninë e Papës Liberi, në vitin 358 pas Krishtit, kur Zoja iu duk në ëndërr Atit të Shenjtë, duke i kërkuar të ndërtonte një bazilikë në vendin që ajo do t'i tregonte. Në mëngjes lagjja Esquiline ishte zbardhur krejt nga dëbora e mrekullueshme, që vijonte të binte me flokë të mëdhenj. Aty ku ra dëbora, aty u ndërtua kisha kushtuar Virgjëres Mari, e cila edhe sot tërheq besimtarë e turistë nga mbarë bota. E aty Zoja e Dëborës vijon të bëjë mekulli!
Dy takime, sipas traditës romake
Dy janë takimet për ngjarjen më përfaqësuese të traditës romake. Paradite, kremtimi Solemn Liturgjik në orën 10.00, kryesuar nga Kryeprifti i Bazilikës, kardinali Stanislaw Rilko, e pasdite, në orën 17.30., në prani të Papës Françesku, Mbrëmësoret e kryesuara nga Shkëlqesia e Tij, Kryeprifti Rolandas Makrickas. Në përfundim të mbrëmësores, Ati i Shenjtë do të shkojë në Kapelën Pauline për një çast të shkurtër lutjeje personale para Ikonës së Marisë, Salus Populi Romani. Në orën 19.00, kremtimi eukaristik i kryesuar nga Imzot Emilio Nappa, Kryetar i Veprave Papnore Misionare..
Programi i Festës së Zojës së Dëborës 2024:
2-3-4 gusht 2022 | Triditshi në Salus
18.00 Kremtimi Eukaristik
4 gusht | Vigjilja
Në orën 17.00 Mbrëmësorja Solemne
18.00 Kremtimi Eukaristik
5 gusht 2022: Përvjetori i Kushtimit të Bazilikës dhe Solemniteti i Zojës së Dëborës
Ora 10.00: Kremtimi Solemn Eukaristik Kapitullar, i kryesuar nga Shkëlqesia e Tij, kard. Stanislaw Rylko, Kryeprift i Bazilikës Papnore të Shën Marisë së Madhe, shoqëruar me kujtimin e mrekullisë së borës gjatë Gloria-s.
Ora 17.30 Mbrëmësorja II kryesuar nga Imzot Rolandas Makrickas, Kryeprift koadiutor, me kujtimin e mrekullisë së borës, ndërsa këndohet Magnificat.
I pranishëm, PAPA Françesku
Në orën 19.00 Kremtimi eukaristik i kryesuar nga Imzot Emilio Nappa, Kryetar i Veprave Misionare Papnore.
Meshët e Shenjta do të kremtohen në orët: 7.00, 8.00, 9.00, 10.00, 12.00, 18.00.
