Papa anulon audiencat për shkak të "një gripi të lehtë"
Kështu njofton Zyra e shtypit e Vatikanit, duke shpjeguar se anulimi i angazhimeve të sotme është gjithashtu edhe "një masë paraprake duke pasur parasysh udhëtimin në ditët e ardhshme" të Papës në Luksemburg dhe Belgjikë.
R.SH. / Vatikan
Angazhimet e programuara paraditen e sotme të 23 shtatorit për Papën Françesku janë anuluar për shkak të një gripi të lehtë. Kështu bëri të ditur Zyra e Shtypit e Selisë së Shenjtë në një komunikim për gazetarët ku shkruhet: “Për shkak të një gjendje të lehtë të gripit, dhe si masë paraprake duke pasur parasysh udhëtimin në ditët e ardhshme, audiencat papnore të planifikuara për sot anulohen”.
Kujtojmë se udhëtimi apostolik i Papës në Luksemburg dhe Belgjikë është në program nga data 26 deri në 29 shtator të ardhshëm, është fjala për udhëtimin e 46-të të papënisë së Françeskut, që do ët bëhet vetëm pak javë pas udhëtimit apostolik ndërkombëtar në Azinë Juglindore dhe Oqeani.
23 shtator 2024, 09:49
