Françesku të rinjve: mos u ndalni kurrë, përpara me gëzim e guxim

R.SH. - Vatikan

         Nga Sinodi i Ipeshkvijve, që po përjeton javën e tij të fundit, Papa Françesku u dërgon një videomesazh të rinjve. Ai u shfaq sot, më 23 tetor, gjatë konferencës në Sallën e Shtypit të Vatikanit dhe u publikua në faqen e internetit dhe në rrjetet sociale të Sekretarisë së Përgjithshme të Sinodit. “Të dashur të rinj - pohon Ati i Shenjtë, në videon e regjistruar nga njëri prej anëtarëve më të rinj të asamblesë së ipeshkvijve - një nga gjërat më të rëndësishme është ecja. Kur i riu ecën gjithçka është në rregull, por kur i riu ndalon... është si uji. Kur uji lëviz gjithçka shkon mirë, por kur uji ndalet... përfundon keq, bëhet i amullt me shumë insekte brenda. Uji i amullt është i pari që korruptohet. I riu i lodhur është i pari, që korruptohet. Ecni përpara, gjithmonë. Shikoni përpara me guxim dhe gëzim. Ju përshëndes. Lutuni për mua”.