Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
LAVDET NË LATINISHT
Programe Podcast
2020.09.30-intervista-RAVASI-5.jpg

Kardinali Ravasi: “qëndrueshmëria e ambientit është e drejtë njerëzore”

Çështja e ambientit nuk është vetëm funksionale. Ka të bëjë me të drejtat e njeriut, në epokën bashkëkohore. Kështu foli kreu i Këshillit Papnor të Kulturës, në konferencën “Pesë vjet pas Laudato si’. Investime etike për një botë të qëndrueshme”

R.SH. - Vatikan

“Qëndrueshmëria nuk është vetëm fenomen teknik: ajo ka hyrë në të drejtat e njeriut të brezit a nivelit të katërt”. Kështu tha kryetari i Këshillit Papnor për Kulturën, kard. Gianfranco Ravasi, në konferencën “Pesë vjet pas Laudato si’. Investime etike për një botë të qëndrueshme”, transmetuar në internet nga Salla Marconi e Radio Vatikanit.

“Nëse prish kuadrin në të cilin jemi zhytur, nuk cënon vetëm planin fizik, por vë në rrezik kejt ekzistencën e planetit dhe jetën tonë”, shpjegoi kardinali gjatë takimit të organizuar nga administratori i këshilltarëve të Südtirol Bank, Alfonso Meomartini (mik i shqiptarëve, të cilët i ka ndihmuar shumë), në bashkëpunim me mediat e Vatikanit. Shembulli, që përmendi prelati, është ai i pandemisë, e cila “lidhet a jo me çështjen ekologjike, ka hedhur në erë shumë modele”.

 Botës së ekonomisë, Ravasi i kujtoi detyrat biblike: “kultivo dhe ruaj” dhe “nënshtro dhe mbizotëro”. “Sipërmarrësi - shpjegoi ai - është ai që e udhëheq zhvillimin, me kujdesin për të parë përtej grigjës. Ndërsa, nënshtrimi është fjala e fshatarit, që lëvron tokën për ta bërë atë pjellore”. Pastaj, citimi i filozofit francez Paul Ricoeur: “Jetojmë në një epokë, në të cilën bulimia e mjeteve përkon me anoreksinë e qëllimeve”.

 “Financat janë mjet, instrument dhe ekonomia është ligji i shtëpisë së botës”, saktësoi kardinali, i cili, në vazhdën e mendimeve të fituesit të çmimit Nobel për ekonominë, Amartya Sen, pohoi: “Ekonomia duhet të kthehet sërish në një disiplinë humaniste, e cila ka si bazë filozofinë morale”. “Mos u bëni pre e shkëlqimit dhe e pushtetit të administrimit”, i ftoi kardinali Ravasi të pranishmit: “Të kujtohemi gjithmonë se puna nuk është thjesht burim për të jetuar, por është edhe dinjiteti i njeriut”.

13 tetor 2020, 14:38
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031