Takim në Bibliotekën e Vatikanit për ruajtjen dixhitale

R.SH. / Vatikan

Sot, në Bibliotekën Apostolike të Vatikanit mbahet e para nga tri ditët (22-24 mars) e një kursi ndërkombëtar, organizuar nga rrjeti më i rëndësishëm i bibliotekave, pjesë e të cilit është: IFLA (Federata Ndërkombëtare e Shoqatave dhe Institucioneve të Bibliotekave). Qëllimi i kursit është të krijojë mundësi për zhvillimin profesional dhe rrjetëzimin e kualifikuar.

Dita e parë e këtij kursit të Federatës Ndërkombëtare të Shoqatave dhe Institucioneve të Bibliotekave mbahet pranë Bibliotekës Apostolike të Vatikanit. Federata Ndërkombëtare e Shoqatave dhe Institucioneve të Bibliotekave (IFLA), është organizata më e rëndësishme bibliotekare, në të cilën bën pjesë edhe BAV (Biblioteka Apostolike e Vatikanit). Gjatë këtij kursi disa ditor do të ketë edhe një qendër për kërkimin dhe praktikat e qëndrueshmërisë dhe ripërdorimin e koleksioneve dixhitale. Prefekti i Bibliotekës Apostolike të Vatikanit, don Mauro Mantovani pohon se: "IA (Inteligjenca artificiale), për të cilën kemi edhe projekte interesante, duhet të udhëhiqet gjithmonë nga dituria njerëzore në kërkim të së mirës, të ​​së vërtetës dhe të së bukurës".

Ballafaqim ndërkombëtar

“Takohen drejtuesit e bibliotekave dhe të federatave bibliotekare nga mbarë  bota, për të verifikuar së bashku dhe për të shkëmbyer përvojën  lidhur me mbledhjen, ruajtjen dhe vënien në dispozicion të trashëgimisë së librit, e cila po rritet me kalimin e viteve”, thekson  prefekti i Bibliotekës Apostolike të Vatikanit (BAV), Don Mauro Mantovani.

 Dita e parë do t'i kushtohet kryesisht sfidave për ruajtjen dixhitale, me fokus kërkimin dhe praktikat aktuale mbi qëndrueshmërinë dhe ripërdorimin e koleksioneve dixhitale; në veçanti, projektit afatgjatë të ruajtjes dixhitale të Bibliotekës së Vatikanit.