Në C9 flitet për kolegjialitetin, rolin e femrës, nuncët, krizat në botë
R.SH. / Vatikan
Kolegjialiteti në Kishë, roli i gruas, Sinodi i kohëve të fundit, zbatimi i kushtetutës apostolike Preedicate evangelium në Kurien Dioqezane, tema e nuncëve apostolik, shqetësimet dhe shpresat për situatën botërore në mes të krizave dhe konflikteve. Këto, temat e trajtuara gjatë sesionit të dhjetorit të Këshillit të Kardinajve, C9, nga grupi i punës i përbërë nga nëntë kardinaj, që ndihmon dhe këshillon Papën Françesku në udhëheqjen e Kishës Universale.
Kolegjialiteti në Kishë
Takimi - i fundmi i vitit 2024 pas atyre të shkurtit, prillit dhe qershorit - u zhvillua të hënën më 2 dhe të martën më 3, në Shtëpinë e Shën Martës, në Vatikan, në prani të Papës, të Këshillit të Kardinajve dhe sekretarit. Siç bën të ditur zyra e shtypit e Selisë së Shenjtë, “në takimet e ndryshme të seancës u diskutuan tema të ndryshme”, para së gjithash me kardinalin Marcello Semeraro, prefekt i Dikasterit të Selisë së Shenjtë për Çështjet e Shenjtorëve, “mbi kolegjialitetin në Kishë, pra mbi marrëdhëniet ndërmjet Kishës së veçantë dhe kuvendeve kishtare, për të vijuar më pas me një bisedë të përbashkët për Sinodin e sapopërfunduar”.
Roli i gruas dhe ai i nuncëve
Për më tepër, gjatë takimeve “u thellua tema e rolit të gruas në Kishë, duke kërkuar sintezën e çështjeve që dolën gjatë katër sesioneve të fundit të Këshillit. Më në fund - vijon komunikata - iu kushtua hapësirë studimit dhe zbatimit të plotë të parimeve dhe kritereve të Kushtetutës apostolike Preadicate evangelium në Kuriet dioqezane dhe temës "Roli i Përfaqësuesve Papnor në perspektivë sinodale misionare ", në bisedë me kardinalin Oswald Gracias, Kryeipeshkëv i Bombeit, kryetar i grupit përkatës, që e njeh studimin.
Reflektim mbi gjendjen e Kishës dhe të botës
“Si gjithnjë - bën të ditur Salla vatikanase e Shtypit - Këshilli është rast për një reflektim të përgjithshëm mbi situatën e Kishës dhe të botës në zona të ndryshme prej nga vjen Kardinali, për të ndarë bashkë shqetësimet dhe shpresat lidhur me kushtet e konfliktit dhe krizat në vijim”.
Takimi i ardhshëm i Këshillit parashikohet për muajin prill 2025.
