Shirika la Kipapa la Kanisa Hitaji linaendelea kutoa huduma huko Gaza

Na Angella Rwezaula- Vatican.

Patraki wa Kilatini huko Jerusalem u Nchi Takatifu alithibitisha kuwa makombora kutoka  jeshi la Israeli lilishambuliwa majengo karibu na Kanisa la Familia Takatifu na kuharibu matangi ya maji na paneli za jua kwenye paa za majengo ya parokia wakati wa mwisho wa Juma. Magari na sehemu zingine  tata pia ziliharibiwa. Parokia hiyo imeishiwa na mafuta, hivyo kuna kunyima jamii umeme au mawasiliano thabiti. “Ni muujiza pekee uliozuia janga kubwa kutokea kwetu,” chanzo cha ndani cha shirika la kimataifa la Kipapa kwa ajili ya Kanisa linalohitaji (ACN) lilibainisha. Mapema Jumanne, tarehe 12 Desemba 2023, shirika hilo pia liliarifiwa kuhusu kuwepo kwa roketi ambayo haikulipuka kwenye mipaka ya parokia hiyo.  “Fikiria kiwango cha kiwewe miongoni mwa watoto na watu wote pale iwapo kingelipuka, na kwa sasa wakati haiwezekani kuusambaratika isipokuwa jeshi la Israeli lenyewe kuingilia kati” walibainisha msemamji wa (ACN). Wakati hali ya Gaza inazidi kuwa mbaya kila siku, maelfu ya Wakristo katika Nchi Takatifu tayari wamefaidika na usaidizi unaotolewa na Shirika la Kipapa la Kanisa Hitaji (ACN), ikiwa ni pamoja na chakula, kuponi za chakula, malipo ya kodi au bili za huduma na vifaa vya matibabu.

Wakristo hupoteza kila kitu huko Gaza

“Tulianzisha kamati za kusaidia kazi hiyo, ikiwamo kamati ya ushauri na kiroho; shughuli; matengenezo ya ghala na vifaa; afya; usafiri; na kamati za usalama. Hii ilikuwa njia bora ya kushiriki mzigo na kuwafanya watu kuwa na shughuli nyingi wakati wa kufungwa na vita”, alisema G.A., Mkristo kutoka Gaza ambaye ushuhuda wake ulitumwa kwa Shirika la Kipapa la Kanisa Hitaji (ACN.) “Mwishowe, katika siku ya 48 ya vita, usitishaji mapigano ulitangazwa, na ikawa fursa ya kuzunguka na kwenda kuangalia nyumba yetu. Ilihuzunisha sana kuona kwamba ghorofa yetu, iliyo kwenye orofa ya juu ya jengo la familia ya orofa nne, imeharibiwa kabisa, kukiwa na chumba kimoja tu! Tulikusanya vitu vichache na kurudi kwenye usalama wa jumba la Kanisa tukingojea mwisho wa vita hii mbaya ili tuanze mchakato wa kujenga upya maisha yetu”, aliongeza kusema G.A. na  akimalizia kwa neno la shukrani kwa wafadhili ambao wamefanikisha msaada huu. "Msaada unaotolewa ili kuendeleza maisha yetu wakati huu wa mahitaji unathaminiwa sana."

Wakristo wamekimbilia katika parokia ya kikatoliki

Idadi kubwa ya Wakristo, ambao walikuwa karibu watu 1000 pekee wakati mzozo ulipoanza, wamekimbilia katika parokia ya Kikatoliki, ambapo fedha za Shirika la Kipapa la Kanisa Hitaji (ACN (zimetumika kununua dawa kwa wale walio na magonjwa sugu, na viungo vya kutengeneza chakula. Mkristo mwingine kutoka Gaza, aliyetambuliwa kama J.M., anakumbuka jinsi ulimwengu wake wote ulivyoporomoka chini ya miguu yake. “Siku ya 27 ya vita, habari zilipokelewa kwamba ujirani wetu ulishambuliwa. Nilingoja hadi makombora yalipopungua kidogo na nikaenda kuangalia jengo letu - ambalo lilijumuisha familia zingine kadhaa za Kikristo pia - na kugundua kuwa jengo lote la makazi lilikuwa limebomolewa kabisa na hakuna kitu kilichobaki. Kila kitu tulichomiliki, haasa kwa kuweka kumbukumbu zangu zote za utotoni, zimekuwa historia. Nilirudi Kanisani na kuwapasha habari wazazi wangu na familia nyingine za Kikristo ambazo zimekuwa zikipata kimbilio kwetu. Siku iliyofuata, nilitoa ufunguo kwenye mnyororo wangu wa funguo, kwa kuwa sihitaji tena kwenda nyumbani!” Kufikia sasa, Wakristo 22 wamekufa huko Gaza kutokana na vita. Kumi na saba walikufa wakati jengo la Kiorthodox lilipigwa na bomu, na wengine watano walikufa kwa kukosa huduma ya matibabu.

Kuweka matumaini katika Ukingo wa Magharibi na Yerusalemu

Ingawa Ukingo wa Magharibi umeepushwa na uharibifu mkubwa uliotembelewa huko Gaza, vita vimechukua mkondo wake kwa njia tofauti. Kulingana na taarifa zilizopokelewa na Shirika la Kipapa la Kanisa Hitaji (ACN,) zaidi ya Wakristo 3000 wa Kipalestina wamepoteza kazi kutokana na kupooza kwa biashara zinazohusiana na utalii. Mbali na hao, takriban Wakristo 800 wa Kipalestina, wakiwemo madaktari, wauguzi na walimu walipoteza kazi kutokana na kufutwa kwa vibali vya kuingia Israeli. Katika Ukingo wa Magharibi msaada unaotolewa na shirika la Kipapa la Kanisa Hitaji kwa kiasi kikubwa umechukua mtindo wa  kuponi za chakula ambazo zinaweza kukombolewa katika maduka makubwa fulani kwa ajili ya uteuzi wa bidhaa muhimu. “Lengo la msaada huu si tu kushughulikia mahitaji ya haraka ya kujikimu, lakini pia kusaidia kudumisha hadhi ya familia za Kikristo katika Nchi Takatifu,” alisema Marco Mencaglia, mkurugenzi wa mipango ya Shirika la Kipapa la Kanisa Hitaji (ACN).

Vita vilipoanza wengi walijikuta hawana ajira hasa katika sekta ya utalii

Idadi kubwa ya Wakristo wanaoishi Yerusalemu ni Waarabu wa Kipalestina, na vita vya hivi karibuni vilipoanza, wengi pia walijikuta hawana ajira kutokana na kuganda kwa sekta ya utalii, huku wengine, kwa mujibu wa taarifa zilizotumwa kwa Shirika hili ACN, walifukuzwa kazi. “Huko Yerusalemu, mizigo ya kiuchumi kwa familia za Kikristo imefikia kiwango cha kushangaza, hasa kwa wale ambao walijikuta hawana ajira kwa ghafla kutokana na kusitishwa kwa utalii. Athari hiyo ilizidi kuongezeka huku baadhi ya wafanyakazi Wakristo wakikabiliwa na kuachishwa kazi na waajiri wao Waisraeli, kwa sababu tu ya kuwa Wapalestina. Aina hii ya kulipiza kisasi iliongeza safu ya ziada ya ugumu kwa familia ambazo tayari zinapambana na mawimbi ya mshtuko ya migogoro. Wasiwasi huo unazidi matatizo ya kiuchumi; familia zinazoishi karibu na, au ndani ya makazi, zinasumbuliwa na wasiwasi juu ya usalama wao. Hali tete, iliyochangiwa na habari za vita, imeziacha familia hizi zikipitia maisha ya hatari,” alisema Mencaglia. Huko Jerusalem, kando na kuponi za chakula, sehemu kubwa ya ufadhili wa ACN imeenda moja kwa moja kwa usaidizi wa kifedha, kusaidia kulipa bili na kodi ya nyumba, katika jiji ambalo limekuwa ghali sana kuishi.”

Kanisa lisiloonekana

Hatimaye, sehemu ya misaada ya kifedha iliyotolewa na  Shirika la Kipapa la Kanisa Hitaji (ACN) pia inakwenda katika mfuko wa Vicariate kwa  ajili ya Wahamiaji na Wanaotafuta Hifadhi(VMAS),ambayo wakati mwingine hujulikana kama “Kanisa Lisiloonekana” katika Nchi Takatifu. Hii ni jumuiya muhimu sana, inayojumuisha hadi watu elfu 100 wa karibia  mataifa nane tofauti. Wengi wao waliishi na kufanya kazi karibu sana na mpaka na Gaza, na waliathiriwa sana kwa  kuzuka kwa ghasia mwezi Oktoba, baada ya kulazimika kuhama bila taarifa za awali. Mbali na  kuwapatia usaidizi wa moja kwa moja, ufadhili wa ACN unatumiwa kuwakaribisha katika nyumba za Kikristo, ikiwa ni pamoja na nyumba za watawa na nyumba za wageni, ambapo wanaweza kukaa hadi pawe salama kurejea katika maeneo ambayo walilazimika kukimbia, au wapate chaguzi mpya. “Kwa kuwa vita vinaingia mwezi wake wa tatu huko Gaza, na kukiwa na dalili chache zinazoonekana za kuboreka, tutaendelea kusaidia jumuiya ya Wakristo katika Nchi Takatifu, tukitumaini kupata uhai wake katika nchi ambayo Kanisa lilianzia. Shirika la Kipapa la Kanisa Hitaji(ACN) tayari imetoa msaada wa dharura wa kifedha na kuamua kuendelea na msaada wake na mipango  mingine miwili muhimu ya msaada kwa Wakristo katika majuama yajayo. Tunawaomba marafiki na wafadhili wetu wote wasiache kuombea amani”, alisema Marco Mencaglia.