Ratzinger:“Mungu anakataza aina zote za vurugu
Na Angella Rwezaula – Vatican.
Ilikuwa mnamo tarehe 12 Novemba 2001 ambapo mwandishi wa habari alikutana katika jengo la Baraza la Kipapa la Mafundisho Tanzu ya Kanisa ili kufanya mahojiano na aliyekuwa Mkuu wa Baraza hili Kadinali Joseph Ratzinger(Papa Benedikto XVI). Macho yenye uchangamfu sana, tabasamu ambalo lilikuwa limezoeleka sikuzote, njia ya busara na utayari wa kuzungumza bila mipango mingi iliyoanzishwa hapo awali. Tukio la kufanya hivyo lilikuwa ni uchapishaji nchini Italia, miezi miwili awali juu ya mahojiano ya kitabu kiitwacho "Mungu na ulimwengu. Kuwa Wakristo katika milenia mpya”, kilichokuwa kimeandikwa katika mazungumzo na mwandishi wa habari Peter Seewald. Yalikuwa ni mazungumzo mapana yaliyogusa mada mbalimbali, ikiwa ni pamoja na kutaja asili yake ya unyenyekevu katika mji mdogo wa Bavaria ambako alisema alijisikia kweli katika mazingira yake.
Kumbukumbu ya wazazi wake, ya fadhili ambayo pia alisema walijua kusema 'hapana, na hivyo jambo muhimu, alisema, ni kwamba hawakutoka katika hisia ya uthibitisho, nguvu, lakini kutoka kwa "fadhili za mwisho, kwa sababu ya wema na shauku ya kutenda wema kwa wengine. Alikuwa akizungumza hayo kwa wema ule ule ambao ni ukarimu uliotajwa na Papa Francisko wakati wa mahubiri yake, tarehe 31 Desemba wakati wa sala ya Kushukuru Mwenyezi Mungu “Te Deum” ambapo akikiri kwamba hakuhisi kuwa kardinali sana wakati huo, badala yake kuwa mtu wa kawaida. Na alipendekeza kwa vijana kuwa na imani, imani katika Kanisa linalosalia, wakati hata serikali zenye nguvu zimeanguka”.
Mungu ni upendo”, ambao kwa dhati, ufunguo wa Papa Benedikto XVI katika uso wa kashfa na kazi ya kikanisa, aliendelea kutoa wito wa uongofu, toba na unyenyekevu, akipendekeza picha ya Kanisa ...Mungu ni upendo unaoweza kuuawa kwa ajili yetu. Mahojiano ya kitabu "God and the world" kichotolewa nchini Italia baada ya mashambulizi ya kigaidi kwenye minara pacha ya New York Marekani. Kwa hiyo mazungumzoyao yalikuwa fursa ya kurudi kwenye mada muhimu ambayo angetaka kujumuisha vizuri zaidi katika maandishi na ambayo alifafanua kwa kwa vipaza sauti. Ilikuwa hasa tatizo la matumizi mabaya ya jina la Mungu, kwa jina la dini ya kisiasa na hivyo chini ya mamlaka, ambayo inakuwa sababu ya nguvu. Kisha Kardinali akaeleza kwamba, mtu akiutazama uso wa Kristo, huu ni uso wa Mungu ambaye “anateseka kwa ajili yetu na hatumii uweza wa yote kudhibiti hali halisi ya ulimwengu kwa mapinduzi ya nguvu bali kwenda kwenye mioyo yetu na kwa upendo ambaye pia alikufa kwa ajili yetu.”
Ikiwa tunamtazama Kristo, tuna maono ya Mungu ambaye hakubaliana na kila aina ya vurugu, alisema. Maneno ambayo katika siku ya Siku ya Amani Duniani, hayawezi kushindwa kujirudia kwa umuhimu mkubwa. Kwa kutazama hali halisi leo hii kwa maneno mengine ambayo yanathibitisha kuwa ya kinabii sana, ikiwa mtu ataangalia mzozo ambao umekuwa ukisambaratisha moyo wa Ulaya katika miezi ya hivi karibuni. Aliyekuwa Mkuu wa Baraza la Mafundisho Tanzu ya Kanisa, wa wakati huo alifafanua masharti ya dhana ya 'vita vya haki', na kusisitiza tena yale yaliyomo katika Katekisimu ya Kanisa Katoliki na kuongeza: “Ninadhani mapokeo ya Kikristo kuhusu jambo hili yametoa majibu ya kina kwamba lazima isasishwe kwa msingi wa uwezekano mpya wa uharibifu, hatari mpya”.
Mungu hapana, dini ndiyo: moja ya kauli mbiu zilizosemwa katika kitabu kilichoandikwa na Seewald na kuhusiana nazo, Ratzinger alieleza jinsi mwanadamu kwa upande mmoja ana hamu ya asili ya kukutana na usio na mwisho, na mwisho ambao ni mtamu, kwa upande mwingine yeyehujitoa kwa urahisi kwa aina ya mtu asiyejulikana, ambaye hutoa mapumziko kidogo lakini bila kuhitaji kujitolea kwa kibinafsi. Bila jibu la mtu binafsi, alisisitiza, mtu hubakia katika kile alichokiita kukuza nafsi yake lakini ambayo ni jambo tupu, na kuishiwa kubaki katika gereza la nafsi yake”.
Kardinali Ratzinger alibainisha hatari ya kujiumbia Mungu kulingana na mahitaji ya mtu na kulingana na sura ya mtu: “Mungu hawezi kubadilishwa kulingana na mawazo au matamanio yangu”. Ni jambo ambalo alihisi na kusema mara kwa mara, kutokana na jukumu alilokabidhwa wakati huo. Jukumu la kutetea ukweli wa Kristo katika uaminifu kamili kwa Maandiko lakini katika umwilisho wa wakati huu uliofanywa kwa zaidi ya miaka ishirini (tangu 1981 hadi 2005) ambayo aliiona kazi ngumu pia kwa sababu dhana ya mamlaka karibu ahukuwapo. Kwamba mamlaka inayoweza kuamua jambo tayari inaonekana haiendani na uhuru wa kila mtu kufanya kile anachotaka na kuhisi.
“Tunatazamia kurahisisha maono ya ulimwengu": Mungu anachukuliwa kuwa shujaa, mtu mkuu wa kibinadamu, Mungu mkatili... Kardinali Ratzinger alijua ni kiasi gani kazi yake ilikuwa 'taaluma isiyofaa', na ambayo ingeweza kuunda maoni juu yake. Hadi. Yeyote anayesimamia "kutetea utambulisho wa imani ya Kikatoliki katika mikondo hii anaweza kuonekana kama mpinzani wa uhuru wa mawazo, ukandamizaji wa mawazo huru". Hata hivyo, kwa kile alichokuwa akisema, wengi walitoa shukrani "kwa sababu Kanisa Katoliki linasalia kuwa nguvu inayoonesha imani ya Kikatoliki na kutoa msingi wa kuishi na kufa. Na hili ndilo jambo la faraja zaidi, la kuridhisha kwake alisema. Kuona watu wengi wanaishukuru sauti ya Kanisa ambayo “bila vurugu” inataka kujibu changamoto kubwa za wakati wetu. Kanisa hilo ambalo, kama Papa na kisha kama Papa mstaafu, alikuwa mtumishi mnyenyekevu hadi mwisho.
