Papa Francisko:Siku ya 60 ya Kuombea Miito Duniani 2023:Wito:neema na Utume

Na Angella Rwezaula, - Vatican.

Jumatato tarehe 26 Aprili 2023, Baba Mtakatifu ametoa ujumbe kwa ajili ya Siku ya 60 ya Kuombea Miito Duniani kwa mwaka 2023, unaoongozwa na kauli mbiu: Wito. Neema na utume.  Siku ya Kuombea miito itafanyika Dominika ya Pasaka tarehe 30 Aprili. Katika ujumbe huo Baba Mtakatifu Francisko  anasema ni kwa mara ya LX  inaadhimishwa Siku ya kuombea Miito Duniani, iliyoanzishwa na Mtakatifu Paulo VI mnamo 1964, wakati wa Mtaguso wa II wa Vatican.  Kuanzishwa kwa mpango huo wa kimungu ulipendekeza kusaidia wajumbe wa watu wa Mungu, kibinafasi na kijumuiya kujibu wito na utume ambao Bwana aliwakabidhi kila mmoja katika ulimwengu wa leo,  na majeraha yake na matumaini yake na changamoto zake na ushindi wake. Mwaka huu Papa amependekeza kutafakari na kuomba kwa kuongozwa na kaulimbiu “Wito: neema na utume”. Ni fursa adhimu ya kugundua tena kwa mshangao kwamba wito wa Bwana ni neema, ni zawadi ya bure, na wakati huo huo ni kujitolea kutoka  kwenda nje kuipeleka Injili. Tunaalikwa kushuhudia imani, ambayo inaimarisha kwa nguvu kifungo kati ya maisha ya neema, kwa njia ya sakramenti na ushirika wa kikanisa, na utume duniani. Mkristo kwa kuhuishwa na Roho Mtakatifu, Kanisa linajiruhusu kupingwa na mambo ya pembezoni na ni nyeti kwa majanga ya  wanadamu, likikumbuka daima kwamba utume ni kazi ya Mungu na haifanywi peke yake, bali katika ushirika wa kikanisa, pamoja na kaka  na dada, wakiongozwa na Wachungaji. Kwa sababu hiyo  daima na milele imekuwa ndoto ya Mungu: kwamba tuishi naye katika umoja wa upendo.

“Kuchaguliwa Kabla ya Kuumbwa kwa Ulimwengu”

Akianza kufafanya  kipengele cha “Kuchaguliwa kabla ya kuumbwa kwa ulimwengu”, Baba Mtakatifu amesema kuwa  Mtume Paulo anafungua mbele yetu upeo wa kushangaza: katika Kristo, Mungu Baba “alituchagua kabla ya kuumbwa ulimwengu ili tuwe watakatifu, watu wasio na hatia mbele zake katika pendo, akitangulia kuwa wana wake waliofanywa wana kwa Yesu Kristo, kama mpango wa upendo wa mapenzi yake” (Waefeso 1:4-5). Haya ni maneno yanayotuwezesha kuona maisha katika maana yake kamili: Mungu “anatuchukua mimba” kwa sura na mfano wake na anataka tuwe watoto wake: tuliumbwa kwa upendo, kwa upendo na kwa ajili ya  upendo, na tumefanywa kupenda.

Katika mchakato wa kipindi cha maisha yetu, mwito huu, ulioandikwa ndani ya nyuzi za uhai wetu na mbeba siri ya furaha, hutufikia, kwa njia ya utendaji wa Roho Mtakatifu, kwa njia mpya kabisa, huangaza akili zetu, hutia nguvu ndani yetu,katika  utashi, hutujaza na mshangao na kufanya mioyo yetu kuwaka. Wakati mwingine hata huvunja bila kutarajia. Papa Francisko ametoa mfano wa wito wake kwamba “Ilikuwa hivyo kwangu mnamo tarehe 21 Septemba 1953 wakati, nilipokuwa nikielekea kwenye kwenye sherehe ya  kila mwaka ya wanafunzi, nilihisi msukumo wa kuingia kanisani na kwenda kuungama. Siku hiyo ilibadilisha maisha yangu na kuacha alama juu yake ambayo inaendelea hadi leo”. Hata hivyo, mwito wa kimungu wa kujitolea unafanya njia yake hatua kwa hatua, katika njia kuna  kuwasiliana na hali ya umaskini, katika dakika ya sala, shukrani kwa ushuhuda wa wazi wa Injili, kwa usomaji unaofungua akili zetu, wakati tunasikiliza Neno la Mungu na tunahisi kwamba linaelekezwa kwetu, kwa ushauri wa kaka au dada ambaye anatusindikiza, wakati wa ugonjwa au maombolezo ... Ndoto ya   Mungu ainayotuisha  haina mwisho.

Na mpango wake na zawadi yake ya bure inangojea majibu yetu. Wito ni kuingiliana kwa uchaguzi wa kimungu na uhuru wa mwanadamu, uhusiano wenye nguvu na wa kusisimua ambao una Mungu na moyo wa mwanadamu kama waingiliaji. Hivyo karama ya wito ni sawa na mbegu ya kimungu inayochipuka katika udongo wa maisha yetu, hutufungulia kwa Mungu na kutufungulia kwa wengine ili kushiriki hazina inayopatikana pamoja nao. Huu ndiyo muundo wa kimsingi wa kile tunachoelewa katika  wito kwamba  Mungu anaita kwa upendo na sisi, wenye shukrani, tunaitikia kwa upendo. Tunajitambua kama wana na binti wanaopendwa na Baba mmoja na tunajitambua kama kaka na dada kati yetu. Mtakatifu Teresa wa Mtoto Yesu, hatimaye “alipouona” ukweli huu waziwazi, alipaza sauti: “Hatimaye nimepata wito wangu! Wito wangu ni upendo! Ndiyo, nimepata nafasi yangu katika Kanisa […]. Katika moyo wa Kanisa, Mama yangu, nitakuwa upendo".

"Mimi ni mtume katika dunia hii”

Baba Mtakatifu Francisko katika kipenele cha “Mimi ni mtume katika dunia hii” kwenye ujumbe huo anakazia kusema kwamba Wito wa Mungu, kama alivyosema, unajumuisha kutumwa. Hakuna wito bila utume. Na hakuna furaha na kujitambua kamili bila kuwapatia wengine maisha mapya ambayo tumepata. Wito wa kimungu wa upendo ni uzoefu ambao hauwezi kunyamazishwa. “Ole wangu nisipoihubiri Injili!” alishangaa Mtakatifu Paulo (1Kor 9:16). Na Waraka wa Kwanza wa Yohana unaanza hivi: “Yale tuliyoyasikia, na kuyaona, na kuyatafakari na kuyagusa, yaani, Neno aliyefanyika mwili, tunawahubiri ninyi nanyi pia, ili furaha yetu ikamilike” (taz.1:1). 4). Miaka mitano iliyopita, Baba Mtakatifu Francisko amebainisha kuwa katika Waraka wa Kitume Gaudete et exsultate, alizungumza na kila mwanamume na mwanamke aliyebatizwa kwa njia hii: "Ninyi pia mnahitaji kufikiria maisha yenu yote kama utume" (n. 23). Ndiyo, kwa sababu kila mmoja wetu, bila ubaguzi, anaweza kusema: "Mimi ni mtume katika dunia hii, na kwa hili niko katika ulimwengu huu" (rej. Evangelii gaudium, 273). Kwa maana hiyo Utume wa kawaida kwa sisi Wakristo ni kushuhudia kwa furaha, katika kila hali, kwa mitazamo na maneno, kwa yale tunayopata kwa kuwa pamoja na Yesu na katika jumuiya yake ambayo ni Kanisa. Na inatafsiriwa katika matendo ya huruma wa upendo na kiroho, katika maisha ya ukaribishaji na upole, yenye uwezo wa ukaribu, huruma na upole, unaokwenda kinyume na mkondo wa utamaduni wa ubadhirifu na kutojali. Kuwa karibu, kama Msamaria Mwema (rej. Lk 10:25-37), hutuwezesha kuelewa msingi wa wito wa Kikristo katika kumwiga Yesu Kristo ambaye alikuja kutumikia na sio kutumikiwa (taz. Mk 10). 45).

Baba Mtakatifu amebainisha kwamba tendo hilo la kimisionari halitoki tu kutokana na uwezo wetu, nia au mipango yetu, wala kutokana na mapenzi yetu au hata kutokana na jitihada zetu za kutenda wema, bali ni kutokana na uzoefu wa kina na Yesu. Hapo ndipo tunaweza kuwa mashuhuda  wa Fulani, wa Maisha na hiyo  inatufanya kuwa “mitume”. Baadaye  tunajitambua kama tumejitambulisha kwa utume huu wa kumulika,  kubariki, kuhuisha, kutuliza, kuponya, na kuweka huru (Evangelii gaudium, 273). Wanafunzi wawili wa Emau ndio alama ya kiinjili ya tukio hili. Baada ya kukutana na Yesu mfufuka waliambizana wao kwa wao: “Je, mioyo yetu haikuwaka ndani yetu alipokuwa akizungumza nasi njiani, wakati anatufafanulia Maandiko?” ( Lk 24:32 ). Ndani yao tunaweza kuona maana ya kuwa na mioyo na miguu inayowaka njiani”. Hiki ndicho ninachotarajia pia kwa Siku ya Vijana Ulimwenguni ijayo huko Lisbon, ambayo Papa amesema anaisubiri kwa furaha na ambayo ina kauli mbiu yake: "Maria aliamka akaenda kwa haraka" (Lk 1:39). Na hivyo kila mmoja wa kike na kiume ajisikie kuitwa kuamka na kwenda haraka, kwa moyo unaowaka!

"Tumeitwa pamoja: kwa kuitwa"

Papa Francisko katika kipengele cha “Tumeitwa pamoja: kuitwa,” amesema Mwinjili Marko anasimulia wakati Yesu alipowaita wanafunzi kumi na wawili, kila mmoja akiwa na jina lake mwenyewe. Aliwaweka wawe pamoja naye na kuwatuma kuhubiri, kuponya magonjwa na kutoa pepo (rej. Mk 3:13-15). Hivyo Bwana anaweka misingi ya jumuiya yake mpya. Wale Kumi na Wawili walikuwa watu wa malezi na taaluma mbalimbali za kijamii, wasiokuwa wa kategoria muhimu zaidi. Kisha Injili zinatuambia kuhusu wito mwingine, kama ule wa wanafunzi sabini na wawili ambao Yesu aliwatuma wawili-wawili (taz. Lk 10:1). Baba Mtakatifu anabianisha kwamba Kanisa kwa hakika ni Ekklesía, neno la Kigiriki linalomaanisha: kusanyiko la watu walioitwa, kuunda jumuiya ya wanafunzi wamisionari wa Yesu Kristo, waliojitolea kuishi upendo wake kati yao wenyewe (taz. Yn 13:34; 15:12) na ili kuueneza kwa watu wote, ili Ufalme wa Mungu uje.

Baba Mtakatifu amesisitiza kwamba katika Kanisa, sisi sote ni watumishi wa kiume na wa kike, kulingana na miito, karama na huduma mbalimbali. Wito wa kujitolea kwa upendo, ulio wa kawaida kwa wote, unajitokeza na kuwa thabiti katika maisha ya walei, wanaume na wanawake, waliojitolea kujenga familia kama kanisa dogo la nyumbani na kufanya upya mazingira mbalimbali ya jamii kwa chachu ya Injili; katika ushuhuda wa wanaume na wanawake waliowekwa wakfu, wote waliotolewa kwa Mungu kwa ajili ya kaka  na dada zao kama unabii wa Ufalme wa Mungu; katika wahudumu waliowekwa wakfu (mashemasi, mapadre, maaskofu) wanaowekwa katika huduma ya Neno, sala na ushirika wa watu watakatifu wa Mungu. Ni katika uhusiano tu na wengine wote, kila mwito wa kipekee katika Kanisa hufunuliwa kikamilifu na ukweli na utajiri wake mwenyewe. Kwa maana hiyo, Kanisa ni Maelewano ya ufundi, yenye miito yote iliyounganika na inayotofautiana katika maelewano na kwa pamoja “inayotoka nje” ili kuangaza maisha mapya ya Ufalme wa Mungu ulimwenguni.

"Neema na utume: zawadi na kazi"

Papa Francisko katika kipengele cha “Neema na utume: zawadi na Kazi” anabainisha kwamba wito ni zawadi na kazi, chanzo cha maisha mapya na furaha ya kweli. Sala na mipango ya uhuishaji inayohusishwa na Siku hii iimarishe usikivu wa kikazi katika familia zetu, katika jumuiya za parokia na zile za maisha ya wakfu, katika vyama na harakati za kikanisa. Roho wa Bwana mfufuka atusaidie kutoka katika  kutojali na atupatie  huruma na upole , tuishi kila siku tukiwa tumezaliwa upya kama watoto wa Upendo wa Mungu (rej. 1 Yoh 4:16) na kwa upande wetu tuwe wenye kuzaa katika upendo: wenye uwezo wa kuleta uzima, kila mahali hasa ambapo kuna kutengwa na unyonyaji, umaskini na kifo. Ili nafasi za upendo zipanuke na Mungu atawale zaidi na zaidi katika ulimwengu huu.

Kwa kuhitimisha ujumbe huo, Baba Mtakatifu Francisko anabainisha kwamba Sala iliyotungwa na Mtakatifu Paulo VI kwa ajili ya Siku ya 1 ya Miito Duniani, mnamo  tarehe 11 Aprili 1964, itusindikize nasi katika safari hii: “Ee Yesu, Mchungaji wa Roho wa Mungu, uliyewaita Mitume kuwafanya wavuvi wa watu, uvute roho zenye bidii, kwako  na  vijana wakarimu  ili kuwafanya wafuasi wako na wahudumu wako; wafanye washiriki katika kiu yako ya Ukombozi wa ulimwengu mzima, [...]uwafungulie upeo wa ulimwengu wote, [...] ili, wakiitikia wito wako, waongeze muda wa utume wako  hapa chini, ujenge uwezo wako. Mwili wa fumbo, ambao ni Kanisa, na kuwa chumvi ya dunia na nuru ya ulimwengu” (Mt 5:13). Bikira Maria awasindikize na kuwalinda. Kwa baraka zangu.”