Ukraine,Kard.Parolin:uingiliaji kati wa kijeshi Mashariki unaleta hofu

Antonella Palermo na Angella Rwezaula – Vatican.

Kuna hofu ya kuibuka kwa matukio ya kutatanisha katika moyo wa Bara la Kale ndivyo Katibu wa Vatican, Kardinali Pietro Parolin alivyowaeleza waandishi wa habari kando ya hafla ya utoaji wa tuzo alasiri ya Jumanne tarehe 27 Februari 2024 katika Taasisi ya Maria Bambina mjini Roma kwa ajili ya shindano la “Uchumi na Jamii”  lililohamasishwa na Mfuko wa Centesimus Annus - pro Pontifice.

Kuongezeka kwa Ukraine kunatia hofu

Wakati uingiliaji wa kijeshi wa Mashariki nchini Ukraine ukipigiwa debe, Kardinali Parolin alisema kuwa kitu kama hicho ni cha kuogofya kwa sababu kitaleta ongezeko hilo ambalo wamejaribu kukwepa tangu mwanzo. Ni kweli, sitasema mwisho wa dunia kwa sababu labda ni neno lililotiwa chumvi kwa sasa, lakini hakika ni la kutisha, na  la kuogofya.” Alipoulizwa na mwandishi wa habari jinsi pendekezo kama hilo (lile lililotolewa na Ufaransa) linaweza kuhalalishwa, Kardinali Parolin alitangaza kwamba labda lina chimbuko lake katika ukweli kwamba kwa miaka miwili sasa vita hivi vimeendelea bila matarajio yoyote ya suluhisho, wala la suluhisho la kijeshi, kwa sababu uwanjani vikosi vinasalia zaidi au kidogo katika nafasi zilezile na hakuna matarajio ya suluhisho la mazungumzo.” Na aliongeza kuwa ingekuwa vyema kutafuta njia ya kweli ya kuzifanya pande hizo mbili kuzungumza na mazungumzo. Ninaamini kwamba tukizungumza, basi suluhisho litapatikana. Aina mbalimbali za suluhisho zimependekezwa cha muhimu ni kwamba kuwepo na nia ya kuzifanya.

Mashariki ya Kati, njia pekee ni kusitisha mapigano

Kuhusu mzozo wa Israel na Palestina, Katibu wa Vatican alithibitisha kuwa hakuna maendeleo yoyote katika mawasiliano ya kidiplomasia na Israel. “Tulizingatia kile alichosema balozi, alisema  huku akisisitiza kwamba “tunachotaka ni kwamba mazungumzo yanaweza kuanzishwa zaidi ya mabishano ambayo labda pia kwa maana fulani yanahalalishwa na shauku ya vita hivi ilisababisha sehemu zote mbili .Ni dhahiri tunahitaji kufikiria juu ya mambo haya kwa utulivu zaidi, na kichwa kilichotulia. Kinachotuvutia ni kwamba tutafute njia ya kuachiliwa kwa mateka, kwanza kabisa, kwa msaada wa kibinadamu unaoendelea kuwa mzito sana. Kwa hivyo njia pekee ni ile ya kusitisha mapigano.”

Wito wa  udugu

Kwa hakika, wito wa  udugu ndiyo msingi ambao Kardinali Parolin alizingatia katika hotuba yake, baada ya kupewa kazi hiyo na profesa wa Chile Monterokuhusu kuhusu  “Kuwa na maadili ya kibinadamu zaidi.” “Ufahamu wa kuathirika kwetu hutufungua kwa uzoefu wa wengine, ambayo hutuweka kwenye zawadi ya udugu na kukutana na Mungu. Kwa kuwa karibu na ndugu zetu tutajigundua tena, tutagundua upya ubinadamu wetu wa kweli zaidi.” Pia Kardinali alitaja mwanzoni mwa ripoti yake, kile kilichoandikwa katika Agano la Kale kuhusu ni kazi gani kuu ya mfalme wa Israeli: kutetea haki za walio hatarini zaidi katika jamii, kama vile maskini, yatima, mjane na mgeni.

Haja ya kuwana utamaduni wa utunzaji

Udhaifu sio tu kikomo cha kiontolojia lakini pia ni uwazi wetu kuelekea usio na mwisho, hitaji letu la upendo na wokovu, na hitaji letu kuu la kuwa na wengine. Kwa maana hii, maadili ya mazingira magumu huongeza usikivu na huruma, kufikia ukomavu wa kweli wa kiroho ambapo hata taabu za nafsi zinakaribishwa kwa ujasiri na huruma. Kilicho muhimu ni faraja kwa waliotengwa,ingawa anafahamu udhaifu wetu na mipaka yetu. Leo, hata hivyo, mfumo wa kiteknolojia, ambao uwekezaji katika teknolojia huathiri uchaguzi wa kisiasa, unapendelea ufanisi na utamaduni wa kupoteza. Alisisitiza Kardinali Parolin.  Na aliakisi utafutaji wa faida kwa gharama yoyote ambayo, kwa maoni yake, ni katika chimbuko la uvumi wa kifedha, biashara ya silaha, uchafuzi wa mazingira na kwa sababu hiyo dhuluma za kijamii zinazosababisha ukosefu wa usawa na kutengwa.

Akili Mnemba inaweza kuongeza ukosefu wa usawa

Katika ulimwengu wa kisasa unaotawaliwa na teknolojia tunakabiliwa na hatari ya kuwa watumiaji wasiojali na wasio na maana bila kujua. Athari zinazowezekana za akili Menmba kwenye maisha ni kipengele kingine cha mazingatio ya Kardinali Parolin, ambayo yanaonesha wasiwasi wake kuwa: “AI inaweza kukuza ukosefu wa usawa uliopo, kuendeleza upendeleo uliopo katika takwimu ya sasa inayotumika kufundisha nyakati. Hii inaweza kusababisha maamuzi yasiyo ya haki au ya kibaguzi katika maeneo kama vile ajira, mifumo ya ufadhili, huduma za afya, elimu, haki, uhamiaji na mahusiano ya kimataifa.”

Kupunguza madeni ya nchi maskini

Matumaini ni kubadilisha miundo ya kiuchumi ambayo bado inazalisha umaskini, kutengwa na utegemezi, na kupendelea aina ya mshikamano wa kimataifa wenye uwezo wa kutokomeza mojawapo ya mizizi mirefu na kongwe zaidi ya ubeberu wa kifedha, udhibiti wa madeni ya mataifa. Deni linawekezwa katika programu za kijamii, elimu na afya. Maono ni yale yaliyoshirikishwa mara kadhaa na Papa Francisko: kuwa na ujasiri wa kushinda mantiki ya unyonyaji na kuunda mifano mpya ya maendeleo, ambayo maskini ni sehemu muhimu ya kiungo  cha kijamii.

Udhaifu kama fursa

Kazi iliyoshinda ya shindano la Uchumi na Jamii inalingana vyema na mfumo huu wa mazingatio, ikitoa dhana ya kushughulikia matatizo ya kimaadili duniani kote, kama alivyokumbuka katika hotuba yake ya utangulizi ya pongezi. Kardinali Marx Orphanopoulos wa Ujerumani aliakisi jinsi mada ya mazingira magumu ilivyo muhimu kwa Papa Francisko, ambaye anasisitiza sana mtazamo wa uwazi kwa ulimwengu, wa kuwafikia wengine. “Kanisa letu leo hii ​​lina uzoefu, pamoja na mambo mengine, hitaji la kuwa Kanisa linalotambua na kurekebisha uharibifu usiopimika ambao, katika baadhi ya washiriki wake na katika miundo yake, umesababisha maelfu ya watu wanaoweka imani na tumaini lao ndani yake. jukumu lake la upatanishi wa kisakramenti,” alitoa maoni katika hotuba yake. “Hii pia ni uzoefu wa hatari kubwa ya uwajibikaji wetu na uwezekano uliopo kwa kila mtu, hata katika Kanisa, kuwadhuru wengine. Lakini utambuzi huu na ukarabati huu pia unaweza kuwa uwezekano wa kuzaliana wa kufanywa upya.”