Papa ataongoza Misa tarehe 2 Juni katika Kanisa kuu la Mtakatifu Yohane Laterano
Na Angella Rwezaula - Vatican.
Tarehe 2 Juni 2024, saa kumi na moja jioni,(11.00), Baba Mtakatifu Francisko anatarajia kuadhimisha Misa Takatifu ya Corpus Christi Domini, yaani Mwili na Damu ya Yesu Kristo katika Kanisa Kuu la Mtakatifu Yohane huko Laterano, jijini Roma na kufuatiwa na maandamano ya kiutamaduni kupitia Njia ya Merulana hadi katika Kanisa Kuu la Mtakatifu Maria Mkuu na kuhitimishwa kwa Baraka ya Ekaristi. Kwa njia hiyo, Papa wa Argentina atazindua kwa mara nyingine tena ule utamaduni uliozinduliwa na Mtakatifu Yohane Paulo II na kuendelezwa na Papa Benedikto XVI, ambaye alishiriki katika maandamano akiwa juu ya gari ameshika monstrance, ambayo hata Papa Francisko aliheshimu mnamo mwaka 2013, mwaka ambao alichaguliwa.
Mnamo mwaka 2014, 2015 na 2016, Papa Fransisko hakushiriki maandamano hayo, bali aliadhimisha Misa na kisha kufika na kutoa baraka ya Ekaristi mbele ya Kanisa Kuu la Mtakatifu Maria Mkuu. Mnamo 2017, Papa Francisko aliamua kusherehekea Siku Kuu ya Corpus Christi, Dominika ili kuwafanya washiriki zaidi wa waamini katika maparokia. Mnamo mwaka wa 2018, mabadiliko ya eneo, ya kurejesha mazoezi ambayo yalionekana kama ya Papa Paulo VI, ambaye kuanzia 1965 alisherehekea sherehe hiyo mara kadhaa katika vitongoji vipya na vya kando ya Jiji la Roma. Mwaka huo, kiukweli, sherehe ya Mwili na Damu ya Yesu ilifanyika huko Ostia, kwenye Uwanja mbele ya Parokia ya Mtakatifu Monica.
Mnamo 2019, Papa Francisko alisherehekea Corpus Domini, tena katika Dominika katika Uwanja wa Kanisa la Mtakatifu Maria Mfariji huko Casal Bertone, eneo lililohusishwa na historia ya milipuko ya mji mkuu wakati wa Vita vya Pili vya Kidunia. Mnamo 2020 na 2021, wakati wa janga la Uviko-19, Misa iliadhimishwa tena katika Dominika kwenye Basilika ya Mtakatifu Petro. Hata hivyo, mwaka wa 2022, Papa Francisko alikuwa katika harakati ya kupata nafuu akiwa amelazwa katika hospitali ya Gemelli, Roma na mwaka wa 2023, kutokana na vizuizi vilivyowekwa na maumivu ya goti, Baba Mtakatifu hakuongoza liturujia yoyote.
