Papa Francisko:maji yasitumike kwa pesa bali kuleta maendeleo

Na  Angella Rwezaula – Vatican.

Baba Mtakatifu Francisko alirejea kwenye mojawapo ya mada za Mafundisho ya  Waraka wa Laudato si' na katika mada nyingine nyingi. Ni katika Tukio la Ngazi ya Juu kwa mkutano kuhusu Hatua ya Bahari ulioongozwa na mada:“Kuzama katika Mabadiliko,”  kwa siku mbili tarehe  7 - 8 Juni 2024 katika mji wa Mtakatifu Jose, nchini Costa Rica, ambapo washiriki wake walitumiwa ujumbe unaoonya dhidi ya kuzingatia rasilimali ya msingi ya maisha bila heshima inayostahili.

Hakuna maendeleo bila maji

Vyombo vya habari vinaiita dhahabu ya bluu, kwa Papa ni zawadi ya thamani kutoka kwa Mungu, na katika sehemu ya ulimwengu ni fedha ya kubadilishana, sababu ya uvumi na hata gari la unyang'anyi.  Kwa njia hiyo Papa katika ujumbe huo alibainisha kuwa: “Maji ni muhimu kwa maisha ya mwanadamu, haiwezekani kuwa na maendeleo, hata kijamii, bila maji na bado, alinyanyapaa, akisema: “inasikitisha kutambua kwamba tunapotosha  aina  hizi kwa kubadilisha kile ambacho ni muhimu kama maji, kuwa kitu cha kunyonywa. Tunakasirisha kile kinachofanya kazi ya unyenyekevu na ya kimya kwa manufaa ya wote na zaidi kwenda  mbali na kuichukulia kama bidhaa au mbaya zaidi kuwa ni silaha ya kuwazuia watu.” Mtakatifu Francis alizungumzia  maji kama dada safi” na “hata eneo la maji safi ambayo yanatiririka  kutoka kwenye chemchemi ya Trevi kuwa ya jina lake kama la  msichana mdogo kutoka kwa watu ambao kwa ujasiri walionesha kwa jeshi la Waroma, mahali ambapo chemchemi ilikuwa na pia ilithaminiwa sana kwa usafi wake.”

Kuthamni maji kwa usalama wa chakula

Baba Mtakatifu allisema kuwa maji huleta wema kwa watu rahisi na licha ya hili inaendesha hatari ya kukiukwa na uovu, ubinafsi na dharau kwa wengine. Taswira ya chanzo hiki kizuri cha Kiroma katika mji ambao, Papa  Francisko alibainisha kuwa umezama katika bahari ya dhana ya nguvu ya maji. ili utusaidie kutambua na hili ndilo tumaini la Papa kwamba “ustaarabu wetu wote umezama ndani ya bahari na kwamba tuelewe kuwa  mabadiliko makubwa ni muhimu ili kurejesha maana ya vivumishi hivyo vya Mtakatifu Francis.” Wito wa mwisho “ni kuthamini maji kwa usalama wa chakula, kazi yake ya unyenyekevu katika udhibiti wa hali ya tabianchi na kupambana dhidi ya uchafuzi wa mazingira kurudisha uzuri wake wa thamani  na kuyaacha kama urithi kwa vizazi vijavyo.”