Papa na kikundi cha 'Ulinzi wa Uzuri':Lazima kulinda waliodhaifu!
Na Angella Rwezaula – Vatican.
Baba Mtakatifu Francisko Jumatatu tarehe 30 Septemba 2024 amekutana na washiriki wa Mpango “Custodi del Bello” yaani “Walinzi wa Uzuri”, ulioandaliwa na Baraza la Maaskofu Italia (CEI) ambapo ameanzasalamu kwa Askofu Giuseppe Baturi, Katibu Mkuu wa CEI Mons. Carlo Redaelli, Rais wa Caritas Italia. Amewashukuru wote uwepo wao na kile wafanyacho katika miji yetu. Kuwa Walinzi wa Uzuri ni uwajibikjaji mkubwa zaidi ambao ujumbe muhimu kwa ajili ya Jumuia ya kikanisa na kwa ajili ya jamii. Papa amependa kwa hiyo kutafakari na wao kwa niaba ya mpango wao ambao siyo rahisi tu wa kauli mbiu lakini unaelekeza mtindo wa kuwa, mtindo mmoja, chaguzi ya maisha yanayoelekeza kwenye mambo ya mwisho makuu: Ulinzi na Uzuri.
Baba Mtakatifu Francisko akianza kudadavua maneno hayo mawili la kwanza alisema “Kulinda maana yake ni kulinda, kuhifadhi, kusimamia, kutetea. Ni kitendo chenye sura nyingi, ambacho kinahitaji umakini na uangalifu, kwa sababu huanza na ufahamu wa thamani ya nani au kile ambacho tumekabidhiwa. Na kwa sababu hii hairuhusu kuvuruga na uvivu. Wale wanaojali huweka umakini wao wazi, hawaogopi kutumia muda, kushiriki, kuchukua majukumu. Na haya yote, katika muktadha ambao mara nyingi hutualika "tusichafue mikono yetu", kukabidhi madaraka, na kulinda pia ni kinabii, kwa sababu inahitaji kujitolea kwa kibinafsi na kwa jamii. Kila mtu, akiwa na uwezo na ujuzi wake mwenyewe, kwa akili na moyo, anaweza kufanya jambo fulani kulinda mambo, kulinda wengine, makao ya kawaida, katika mtazamo wa utunzaji fungamani wa uumbaji.
Mtakatifu Paulo anatuambia kwamba “viumbe vinaugua na kuteseka” (Rm 8:22); kilio chake kinaungana na kile cha maskini wengi duniani, ambao huomba kwa haraka maamuzi mazito na yenye matokeo yanayolenga kuendeleza mema ya wote; katika mtazamo ambao kwa hiyo hauwezi kuwa wa kimazingira tu, bali lazima uwe wa kiikolojia kwa maana pana, lazima uwe muhimu. Leo hii kuna watu wengi walio pembezoni, waliotupwa, wamesahaulika katika jamii inayozidi kuwa na ufanisi na ukatili: maskini, wahamiaji, wazee na walemavu peke yao, wagonjwa wa kudumu. Hata hivyo, kila mmoja ni wa thamani machoni pa Bwana (rej. Isa 43:1-4). Hii ndiyo sababu ninakupendekeza katika kazi yako kuunda upya maeneo mengi yaliyoachwa kupuuzwa na uharibifu, “ninapendekeza kwamba lengo msingi daima ni ulinzi wa watu wanaoishi huko na mara kwa mara. Ni kwa njia hiyo tu utarejesha uumbaji kwa uzuri wake.”
Na hii ndiyo thamani nyingine: pamoja na kulinda, uzuri. Leo hiitunazungumza mengi juu yake, hadi kufikia hatua ya kuifanya kuwa ya kutamani. Hata hivyo, mara nyingi huzingatiwa kwa njia iliyopotoka, kuchanganya na mifano ya ya kijujuu na inayohusishwa zaidi na vigezo vya (hedonistic)yaani biashara na matangazo kuliko maendeleo muhimu ya watu. Njia ya aina hii ni hatari, kwa sababu haisaidii bora katika kila mtu kustawi, lakini husababisha uharibifu wa mwanadamu na maumbile. Kwa hakika, ikiwa "mtu hajifunzi kuacha na kuvutiwa na kuthamini uzuri, si ajabu kwamba kila kitu kinabadilishwa kuwa kitu cha matumizi yasiyofaa na unyanyasaji" (Laudato si', 215). Badala yake, inahusu kujifunza kusitawisha uzuri kama kitu cha pekee na kitakatifu kwa kila kiumbe, kinachofikiriwa, kinachopendwa na kuadhimishwa na Mungu tangu asili ya ulimwengu (Mw, 1.4) kama umoja usioweza kutenganishwa wa neema na wema, wa uzuri na maadili. "Na huu ndio utume wako; nami nawatia moyo, kama washiriki katika mpango mkuu wa Muumba, msichoke kugeuza ubaya kuwa uzuri, uharibifu kuwa fursa, machafuko kuwa maelewano."
Mtakatifu Yosefu wa Nazareti awasindikiza na awe kielelezo chao katika kujitolea kwao, mlezi mnyenyekevu na mkimya wa “aliye mzuri kuliko wana wa binadamu” (Zab 44:3), wa Neno aliyefanyika mwili ambaye ndani yake vitu vyote viliumbwana kuwepo (Kol 1,16-17). Kwa uaminifu wake wa busara na bidii, Mtakatifu Joseph alisaidia kurudisha uzuri ulimwenguni. Asante, asante kwa mema mengi unayofanya! Ninakubariki na kukuombea. Papa amehitimisha kwa kuwaomba wamwimbee tafadhali.
