Papa apongeza Maaskofu wa Ufaransa kwa mshikamano na Kanisa la Afrika!

Na Angella Rwezaula – Vatican.

Jumanne tarehe 5 Novemba 2024, Baba Mtakatifu Francisko ametuma ujumbe wake uliotiwa saini na Kardinali Pietro Parolin katika wa Vatican. Katika ujumbe huo, Kardinali Parolin anaandika kuwa: Kwa wajumbe wa Baraza la Maaskofu wa Ufaransa, akifahamishwa kuhusu kufanyika kwa Mkutano Mkuu wa Baraza la Maaskofu wa Ufaransa huko Lourdes, Baba Mtakatifu Francisko aliniomba niwatumie ujumbe huu wa kidugu wa kutia moyo, uaminifu na ukaribu. Alizingatia muhtasari mpana wa mpango wa kazi yenu, na akabainisha hasa umakini utakaozingatia mahusiano kati ya Kanisa la Ufaransa na Kanisa la Afrika. “Chaguo hili ni la busara kwa sababu wote mnahitaji kila mmoja! Ingawa uchoyo, ubinafsi, kutojali, roho ya unyonyaji ambayo kwa bahati mbaya mazoea ya kisiasa na kiuchumi huweka mara nyingi yameharibu uhusiano kati ya mataifa na watu, Jumuiya za Kikristo, kinyume chake, lazima ziimarishe vifungo vyao: nyini ni roho moja tu katika Kristo.”

Upyaishaji wa kimisionari wa Jumuiya

Upendo na usaidizi wa pande zote kati ya Makanisa yenu mahalia sio tu uendelezaji wa upyaishaji wa kimisionari wa Jumuiya, bali pia ushiriki, kwa njia ya ushuhuda unaotolewa, katika ujenzi wa ulimwengu wa haki na wa kidugu zaidi. Katika  uthabiti kuelekea siku za usoni ambapo ni lazima tubadilike  Papa Francisko anafurahi kwamba mada nyingi watakazozungumzia zinahusu masuala ya uinjilishaji, kwa mfano uwepo wa mapadre katika maeneo, seminari, mafundisho ya Kikatoliki, mashirika ya majimbo n.k.  Wao wana nguvu katika utajiri na uzoefu wa zamani, tayari wakushikilia bila woga, ishara ambazo Roho anatoa ili kukabiliana na changamoto na kuzingatia mabadiliko na mageuzi ambayo Yeye anapendekeza. Baba Mtakatifu anatoa mwakiko kuyaishi haya yote kwa kuhuishwa na Tumaini lisilotikisika ambalo lazima likae katika mkutano wao.

Matumaini ya mada ya Jubilei na kufunguliwa Kanisa la Notre - Dame

Siyo tu kwamba Matumaini ni mada ya Jubile ijayo ambayo sote tutapitia pamoja hivi karibuni, lakini hata zaidi Kanisa la Ufaransa limeitwa kutambua ishara yenye nguvu - na ninatumai ya kinabii - ambayo Bwana anahutubia, hasa: kufunguliwa tena kwa ibada ya Kanisa Kuu Kuu la Notre-Dame (Mama Yetu huko Paris.  Kanisa la Ufaransa, kama jengo hilo la kupendeza lililorejeshwa, ambalo ni lao na  lenye nguvu katika imani, linajivunia historia yake na mchango wake usioweza kubadilishwa katika ujenzi wa nchi yao, na zaidi ya yote kujazwa na upendo kwa jirani na kwa Moyo wa Yesu, watangaze daima kwa furaha habari njema ya wokovu na isikike. Kwa kuhitimisha anataja Waraka wa Kitume wa hivi Karibuni kuhusu ‘Moyo wa Yesu! Kardinali Parolini alibainisha ‘kwamba ni mzuri sana wa Dilexit nos, ambao umechapishwa hivi karibuni. Hakuna haja ya kukumbuka vitisho vinavyouelemea ulimwengu kwa sasa, wala wakati mwingine changamoto zinazotia wasiwasi zinazojitokeza kwa Kanisa.

Waraka wa Dilexit nos upendo wa Moyo wa Yesu

Baba Mtakatifu anahitimisha kwa kukumbusha kiwango ambacho makanisa yote  mawili yanahitaji kugundua tena - au kugundua - upendo wa Moyo wa Kristo, ambao hatimaye ndio ufunguo pekee wa siku zijazo. Naye anafanya hivyo kwa maneno ya kustaajabisha: “Mto usioisha, ambao haupiti, ambao daima hujitoa upya kwa wale wanaotaka kupenda, huendelea kububujika kutoka kwenye jeraha lililo ubavuni mwa Kristo. Upendo wake pekee ndio utakaowezesha ubinadamu mpya” (n. 219). Upendo wake tu...! Waraka huo unaakisi nafasi kubwa waliyokuwa nayo watakatifu wa Ufaransa katika kukuza na kuelewa ibada hii. Kwa hiyo wao  ni zaidi ya wengine walioitwa, na wanaweza, kufaidika na urithi huu na amewaalika wawekeze sana humo, kwa sababu ni katika Moyo wa Kristo kwamba “tunakuwa na uwezo wa kuwa na uhusiano wenye afya na furaha, wenye uwezo wa kujenga Ufalme. wa upendo na haki duniani” (n. 28). Zaidi ya kurudisha katika mtindo ibada ambayo mara nyingi huhukumiwa kimakosa kuwa na vumbi na imepitwa na wakati, inahusu kuelewa jinsi Yesu anavyompenda kila mtu, jinsi anavyolipenda Kanisa la Ufaransa, wachungaji wake mlio waaminifu; jinsi mnavyoipenda dunia nzima.” Baba Mtakatifu Francisko “anawapatia Baraka ya Kitume ambayo anawapatia pia washirika wenu na waamini wote wa majimbo yenu.”