Maadhimisho ya Papa Francisko kwa mwezi Aprili

Vatican News

Ratiba ya maadhimisho ya kiliturujia itakayoongozwa na Papa Francisko katika mwezi wa Aprili, ambapo Juma  Takatifu na maadhimisho ya Pasaka ya Ufufuko wa Bwana, kama  tarehe ya kwanza mwa mwezi Aprili ambapo tarehe 2 itakuwa ni Dominika ya Matawi ,  Papa ataadhimisha kumbukumbu ya kuingia kwa Bwana huko Yerusalemu na Misa ya Mateso ya Bwana katika Uwanja wa Mtakatifu Petro saa 4.00 kamilia Asubuhi. Tarehe 6 Aprili,  itakuwa ni Alhamisi kuu  Takatifu, ambapo Papa Francisko ataongoza Ibada ya Misa ya Crisma  katika Kanisa kuu la Mtakatifu Petro saa 3.30 asubuhi. Tarehe 7 Aprili, ni  Ijumaa Kuu, siku ya  Mateso ya Bwana wetu Yesu, ambapo katika Kanisa  kuu la Kipapa kutakuwa na maadhimisho ya Mateso  saa 11.00 jioni, pia Ijumaa hiyo tarehe 7 Aprili, Baba Mtakatifu atashiriki katika Ibada ya kiutamaduni ya Njia ya Msalaba saa 3.15, usiku katika Magofu ya kizamani ya Kirumi (Colosseum).

Mkesha wa Pasaka na ziara ya kitume Hungaria

Mkesha wa Pasaka katika usiku mtakatifu utaadhimishwa na Baba Mtakatifu Francisko, siku ya Jumamosi tarehe 8 Aprili, kwenye Kanisa Kuu la Mtakatifu Petro, saa 1.30 jioni. Tarehe 9 Aprili, Dominika ya Pasaka, ambapo Baba Mtakatifu  ataongoza Ibada ya Misa Takatifu katika Uwanja wa Mtakatifu Petro saa 4.00 asubuhi, ambayo itafuatiwa na Baraka ya “Urbi et Orbi” kutoke Loggia ya kati ya Kanisa kuu la Mtakatifu Petro saa 6.00 kamili. Ratiba ya  maadhimisho iliyotolewa pia inajumuisha Ziara yake ya  Kitume ya Papa kuelekea Budapest nchini Hungaria kuanzia  tarehe 28-30 Aprili 2023.