VATICAN

Vatican na Italia kwa pamoja kutetea hadhi ya wafanyakazi

Tarehe 6 Juni mkutano ulioandaliwa na Gavana wa mji wa Vatican Sr. Raffaella Petrini,alitoa mchango wa Mapapa kuhusu somo linalostahili kuzingatiwa na matumizi ya kawaida.Naibu mwendesha mashtaka wa Roma,Conzo,alisisitiza juu ya unyonyaji wa watu wengi walio katika mazingira magumu na kuwahimiza kutekeleza kwa vitendo kila chombo cha sheria ili kupunguza hali hiyo hadi sifuri

Na Angella Rwezaula, - Vatican

Mbele ya zaidi ya waathiriwa elfu moja wa mahali pa kazi wanaosajiliwa kila mwaka nchini Italia, kiwango cha mafunzo kuhusu tathmini na udhibiti wa hatari hakiwezi kupunguzwa. Hayo yamesisitizwa asubuhi tarehe 6 Juni 2023 na washiriki wa mkutano kuhusu mada iliyoandaliwa kwenye Makumbusho ya Vatican na Gavana wa Jimbo la Vatican: Sr. Raffaella Petrini, katibu mkuu, Giovanni Conzo, Mwendesha Mashtaka Msaidizi wa Roma, wakuu wa mikoa Viviana na Barbara Todini, na kisha Tommaso Marrone, wa huduma ya usalama kazini ya Vatica na Paolo De Angelis, mkuu wa kikosi cha zima moto cha Vatican

Sr Petrini: Mapapa na ulinzi wa kazi ya hadhi

Suala la usalama kazini ni muhimu kwa shirika lolote linalotaka kufuata mtindo endelevu wa kazi, na leo, kwenye kizingiti cha yale ambayo baadhi ya wasomi wanatambua kuwa mapinduzi ya nne ya kiviwanda, inachukua hali ya kimataifa. Ndivyo alianza Sr Raffaella Petrini, katibu mkuu wa Gavana wa Vatican , ambaye alipitia nyaraka kuu za mahakama za kipapa ambazo zilizungumzia suala hilo kwa uwazi kutoka waraka wa Rerum novarum wa Papa Leone XIII hadi wa Laudato si’ wa Papa Francisko. Kwa kuanzia katika kazi ambayo si tu kwa ngazi ya kiuchumi na hata kwa ngazi ya maisha, mtawa huyo alikumbusha jinsi ambavyo Mtakatifu Yohane Paulo II alisisitiza katika waraka wa Laborem Exercens: kazi sio nzuri tu yenye manufaa, ya kufurahia, lakini nzuri inayostahili, ambayo inaonesha heshima na kuiongeza. Akitoa mfano wa hati hiyo tena, Sr. Petrini alibainisha kuwa shukrani kwa kazi, mwanadamu anakuwa mtu zaidi. Pia alikuwa na nia ya kusisitiza mwelekeo wa kibinafsi katika shughuli ya kufanya kazi, ambapo mwanadamu anabaki kuwa mhusika. Ni uwanja wa kutafakari ambao pia unapatikana ndani ya Caritas in veritate,ya Benedikto XVI, ambaye alikuwa anaandika kwamba mtaji wa kwanza kulindwa ni mwanadamu hasa.

Dhana ya afya

Baba Mtakatifu Francisko katika mwendelezo kamili na watangulizi wake, anathibitisha kwamba kazi si lazima tu bali ni sehemu muhimu ya maana ya maisha ya watu. Kuhusiana na hili, Sista Raffaella alirejea hotuba ya hivi karibuni ya Baba Mtakatifu kwa kwa ANCE: hapa maadili, uhalali na usalama viliwekwa katika uhusiano, na ikathibitishwa tena kwamba usalama si gharama bali ni hitaji la kila jumuiya ya wafanyakazi, hatua muhimu ambayo Papa alirudia mara kadhaa kwa sababu lazima ilindwe zaidi ya mantiki ya faida na kuhakikisha sio tu uadilifu wa mtu lakini pia, kama matokeo, uchumi wa manufaa ya wote, katika huduma ya amani. Dhana ya afya, kiukweli, inaenea kwa asili ya kisaikolojia na kiroho ya mtu, na kwa maana hiyo ina athari juu ya ustawi wa jamii kwa ujumla.

Lengo ma ajenda ya 2030

Hatimaye Sr. Petrini pia alitaja lengo la 8 la Ajenda ya 2030 (kuhimiza ukuaji wa uchumi wa kudumu, shirikishi na endelevu, ajira kamili na yenye tija na kazi zenye staha kwa wote) ambapo, ikihusishwa na dhana ya uadilifu wa mfanyakazi, kuna ile ya ushirikiano. wajibu wa kuboresha mazingira.

Sr Petrini