Semina ya Jinsi gani utumwa mamboleo unadhoofisha maendeleo ulimwenguni
Na Angella Rwezaula, - Vatican
Kulingana na Makadirio ya Kimataifa ya Utumwa mamboleo, watu milioni 50 wanaishi katika hali za utumwa mamboleo, ni ongezeko la watu milioni 10 tangu 2016. Kati ya hao, milioni 28 walilazimishwa kufanya kazi ya kulazimishwa na milioni 22 katika ndoa za kulazimishwa. Kuondolewa kwa utumwa mamboleo ni suala la kimaadili linalohitaji jibu la haraka. Kanisa Katoliki limekuwa kitovu cha mapambano dhidi ya utumwa mamboleo. Baba Mtakatifu Francisko amerudia mara kadhaa kuutaja utumwa mamboleo kuwa ni "janga" na kusisitiza umuhimu wa kuutokomeza. Katika muktadha huu, Chuo cha Kipapa cha Sayansi ya Jamii na Ubalozi wa Australia mjini Vatican wanayofuraha ya kukukaribisha kushirikiana na Mtandao wa Walk Free na Global Freedom Network katika mapambano dhidi ya utumwa mamboleo na kuunga mkono tukio hili la kuongeza ufahamu ili kutoa mwanga juu ya hali kama hiyo ambayo ni mada muhimu katika kutafuta njia zozote zile za kutokomeza. Kwa njia hiyo tukio hilo ni kinara linawaleta pamoja wasomi wakuu, viongozi wa kidini, wanachama wa mashirika ya kiraia, mabalozi na waathirika ili kujadili matokeo ya hivi karibuni ya utafiti kuhusu utumwa mambo leo. Fursa za ushirikiano ili kuwawezesha watu walio hatarini zaidi na kushughulikia sababu kuu za kuzuia unyonyaji wa siku zijazo pia zinachunguzwa tarehe 13 Novemba 2023 Katika Chuo cha Kipapa cha Elimu ya Sayansi za jamii. Ni tukio ambalo linaoongozwa na mada ya Utumwa Mamboleo unavyodhoofisha maendeleo ya ulimwengu na njia ambazo imani, dini mbalimbali zinaweza kutafuta na kuomba namna ya kukomesha janga hili.
Waandaaji wa tukio hili ni Chuo cha Kipapa cha Elimu ya Sayansi Jamii
Chuo cha Kipapa cha Sayansi za Jamii kilianzishwa na Mtakatifu Yohane Paulo II kunako mwaka 1994. Kinalenga kukuza utafiti na maendeleo ya sayansi ya kijamii, kiuchumi, kisiasa na kisheria, kwa kutoa mambo ya Kanisa yanayoweza kutumika katika masomo na maendeleo ya jamii na mafundisho. Chuo hiki pia kinaakisi matumizi ya fundisho hili katika jamii ya kisasa. Ili kufikia malengo yake, Chuo hiki kiandaa mikutano na warsha juu ya mada maalum, ya kukuza uchunguzi wa kisayansi na utafiti, kinasaidia taasisi na watu binafsi kuyatekeleza, kuchapisha matokeo ya mashauriano yake na kuchapisha machapisho ya kisayansi. Mandhari yaliyoshughulikiwa hivi karibuni na Chuo hiki ni pamoja na haki binadamu, mgogoro wa kiuchumi, uhuru wa kidini, biashara mbaya ya binadamu na utumwa mamboleo.
Ubalozi wa Australia mjini Vatican
Katika Muktadha huo pia Ubalozi wa Australia unaowakilisha nchi yake Mjini Vatican ulianzishwa kufuatia kuanzishwa kwa uhusiano wa kidiplomasia mnamo waka 1973. Serikali ya Australia ilitangaza kuwa itamteua Balozi Mkazi wake wa kwanza katika Mji Mtakatifu Vatican mnamo mwaka 2008. Balozi Mkazi wa nne na wa sasa ni Mheshimiwa Dk. Chiara Porro, ambaye ameshika wadhifa huo tangu 2020. Mwaka huu, 2023 Ubalozi huo unaadhimisha miaka 50 tangu kuanza kwa uhusiano wa kidiplomasia pamoja na Vatican. Shughuli za maadhimisho yake yanazingatia mada muhimu kama vile: kukomesha kutengwa, ubaguzi, ukosefu wa haki na madhara; kulinda nyumba yetu ya kawaida ya pamoja; kutambua njia mpya za mabadiliko kupitia elimu na michezo; kukuza sauti za Mataifa ya Kwanza yaani Watu Asili.
Walk Free, Tembea huru
Kutembea Huru ni kikundi cha kimataifa cha haki za binadamu kinachofanya kazi kuharakisha mwisho aina zote za utumwa mamboleo. Kutembea huru ndiye muundaji wa Kielelzo cha Takwimu za Utumwa Ulimwenguni,mkusanyiko wa takwimu za kina zaidi duniani kuhusu utumwa mamboleo. Wanatumia takwimu hizi kuhamasisha nguvu zenye nguvu kwa ajili ya mabadiliko dhidi ya ukiukwaji huu wa haki za binadamu. Wanafanya kazi na serikali na wasimamizi, wafanyabiashara na wawekezaji, na viongozi wa dini na jumuiya ili kuendesha mabadiliko ya mifumo na wanashirikiana moja kwa moja na mashirika yaliyo mstari wa mbele kuondoa maisha ya watu hatari katika utumwa mamboleo. Wanafanya kazi na walionusurika ili kujenga harakati ya kukomesha utumwa mamboleo, kwa kutambua kwamba uzoefu waliouishi ni utaalamu na kwamba ni msingi wa kubainisha masuluhisho ya kudumu.https://www.walkfree.org/
Global Freedom Network Mtandao wa Uhuru Ulimwenguni
Mtandao wa Uhuru wa Ulimwenguni ni tawi lenye msingi wa imani ya Walk Free kutembea huru. Wao wanatambua kwamba imani inaweza na ina jukumu muhimu katika mapambano dhidi ya utumwa mamboleo, kwa sababu viongozi wa kidini wako katika umoja wa eneo la kipekee kuona ndani ya moyo wa jamii zao. Kwa hiyo Global Freedom Network ilianzishwa mnamo mwaka 2014, kwa kutiwa saini Tamko la Pamoja la Viongozi wa Dini dhidi ya Utumwa mamboleo jijini Vatican, ambapo tukio la kipekee lililowaleta pamoja viongozi wa imani nyingi kuu za ulimwengu katika mambo ya pamoja. Tangu wakati huo, Mtandao wa Global Freedom umepanuka duniani kote, ukifanya kazi na viongozi wa imani, dini ambao wanajenga madaraja kati ya watu ambao wamepitia utumwa mamboleo na utekelezaji wa sheria, uhusiano wa ushirikiano na serikali, vikundi vya kijamii na usaidizi, hasa katika nchi za imani ya kina na yenye nguvu na viwango vya juu vya utumwa mambo leo. Kwa maelezo zaidi unaweza kubonyza link;https://www.walkfree.org/projects/global-freedom-network/
Utumwa mamboleo ni nini?
Utumwa mamboleo unajumuisha idadi ya dhana maalum za kisheria, ikiwa ni pamoja na kazi ya kulazimishwa, utumwa wa madeni, ndoa ya kulazimishwa, utumwa na mazoea kama ya utumwa, na biashara haramu ya binadamu. Utumwa mamboleo unarejea hali za unyonyaji ambazo mtu hawezi kukataa au kuondoka nazo kwa sababu ya vitisho, vurugu, kulazimishwa, udanganyifu na / au matumizi mabaya ya mamlaka. Katika msingi wake, utumwa mamboleo ni dhihirisho la usawa uliokithiri, unaoonesha miundo ya nguvu iliyopo duniani kote. Nchi hutumia misemo mbalimbali kuelezea utumwa mamboleo ikijumuisha neno utumwa wenyewe, pamoja na dhana nyinginezo kama vile biashara haramu ya binadamu, kazi ya kulazimishwa, utumwa wa madeni, ndoa ya kulazimishwa, na uuzaji au unyonyaji wa watoto . Masharti haya yamefafanuliwa katika mikataba na mikataba mbalimbali ya kimataifa, ambayo nchi nyingi zimesaini kwa hiari na kuiridhia kuwa sheria. Utumwa mamboleo ni ukiukwaji mkubwa wa haki za binadamu na changamoto kubwa kwa maendeleo ya kimataifa. Baba Mtakatifu Francisko amezungumza waziwazi dhidi ya utumwa mamboleo na kuutaja kuwa ni uhalifu dhidi ya binadamu na kuzitaka serikali na watu binafsi kuchukua hatua kukomesha.
