Baraza la Makardinali(C9)na Papa Francisko unaendelea

Vatican News

Mkutano wa C9 yaani  Baraza la Makardinali 9 ambao ni washauri wa Baba ulioanzishwa na Baba Mtakatifu ili kumsaidia katika mpango wa mageuzi ya Kanisa la Roma na katika mamlaka ya  Kanisa, unaendelea Juni 18, mbele ya Baba Mtakatifu Francisko mjini Vatican ambapo ulianza tarehe 17 Juni. Huu ni mkutano wa tatu wa mwaka 2024 baada ya ule wa mwezi Februari na Aprili iliyopita

Kazi ya Aprili

Katika kikao kazi cha mwisho mwezi Aprili, mkazo ulikuwa katika utekelezaji wa katiba ya kitume Praedicate Evangelium ya  Curia Romana, juu ya matukio ya vita katika sehemu mbalimbali za dunia, hasa ​​Mashariki ya Kati na Ukraine kwa matumaini makadinali hao washauri na Papa kwamba juhudi zinazolenga kubainisha njia za mazungumzo na amani ziongezwa. Pia katika mikutano iliyopita, washiriki wa Baraza la Makardinali hao washauri walikuwa wamejadili juu ya “"ukumu la wanawake katika Kanisa” na kusikiliza tafakari ya wanawake wawili, Sr Regina da Costa Pedro na Profesa Stella Morra.

Upyaishaji wa Baraza la Makardinali Washauri C9

Baraza la Makardinali washauri  baada ya kupyaishwa muhimili wake na Papa tarehe 7 Machi 2023, limeunda na Makardinali: Pietro Parolin, katibu wa Vatican; Fernando Vérgez Alzaga, Rais wa Tume ya Kipapa ya Mji wa  Vatican na Gavana tawala wa mji wa  Vatican; Fridolin Ambongo Besungu, Askofu mkuu wa Kinshasa; Oswald Gracias, Askofu Mkuu wa Bombay; Seán Patrick O'Malley, Askofu Mkuu wa Boston; Juan José Omella Omella, askofu mkuu wa Barcelona; Gérald Lacroix, askofu mkuu wa Quebec; Jean-Claude Hollerich, askofu mkuu wa Luxembourg; Sérgio da Rocha, askofu mkuu wa San Salvador de Bahia. Katibu ni Monsinyo Marco Mellino, askofu mkuu wa Kipaimara. Mkutano wa kwanza wa C9 mpya ulifanyika tarehe 24 Aprili 2024.

Kuanzishwa kwa Baraza la Makardinali

Baraza hilo lilianzishwa na Baba Mtakatifu  Francisko kwa hati iliyoandikwa na mkono wake mnamo  tarehe 28 Septemba 2013 kwa jukumu la kumsaidia katika utawala  na shughuli za  Kanisa la Ulimwengu na wakati huo huo kusoma mapango wa  marekebisho ya Katiba ya  Curia ya Kirumi, iliyotekelezwa na katiba mpya ya kitume ya Praedicate Evangelium, yaani Hubirini Injili ambayo ilichapishwa tarehe 19 Machi 2022. Mkutano wa kwanza kabisa wa Baraza la Makardinali 9  washauri  (C9) ulifanyika  mnamo tarehe 1 Oktoba 2013.