Padre Pasolini:ukuu wa Mungu ni udogo,ishara ya unyenyekevu inayofungua mkutano

Na Angella Rwezaula – Vatican.

Noeli ya Mwana wa Mungu, mbaye hapo mwanzo alikuwa Neno na ambaye anakuwa mdogo na mdhaifu kama mtoto mchanga hasiyezungumzi bado, lakini wenye  nguvu na ukuu wa udogo ndiyo msingi unaopatikana hapo. Hayo yalisemwa na Padre Roberto Pasolini, Mfransiskani Mkapuchini, mhubiri wa Nyumba ya Kipapa, katika tafakari yake ya Tatu ya  Majilio na ya mwisho iliyopendekezwa kwa Curia  Roma asubuhi, tarehe 20 Desemba 2024, katika Ukumbi wa Paulo VI mjini Vatican. Mada iliyochaguliwa kwa tafakari hizo tatu ni “Milango ya matumaini. Kuelekea ufunguzi wa Mwaka Mtakatifu kupitia unabii wa Noeli."

Mbegu iliyofichwa ardhini inaota na kukua

Baada ya kukumbusha tafakari mbili za kwanza ya tarehe 6 na 13 Desemba 2024,  ya  milango ya mshangao na uaminifu, mhubiri wa Nyumba ya Kipapa alihimiza  tuvuke kizingiti cha udogo kwa ufunguo ili  kuufikia Ufalme wa Mungu, na  si kikomo au upungufu, bali ni nguvu ya unyenyekevu na kimya kama ile ya mbegu ambayo, katika giza la ardhi, huota na kukua. Kipimo kilichofichika cha ukuu wa kweli wa Mungu, yule anayejishusha kwa uaminifu hadi kiwango cha wengine ili kumsindikiza katika ukuaji wake, udogo ni kipimo cha ya Bwana, mahali ambapo chaguo na ahadi zake zinaweza kutimia, pamoja na"chaguo la ufahamu, linaloongozwa na shauku  ya kuunda mahusiano ya kweli, ambapo mwingine anatambuliwa kuwa na haki ya kuwepo, kupumua na kujieleza kwa uhuru. Kwa maana hiyo, kuwa mdogo kunamaanisha kufungua nafasi za mikutano, kuruhusu kila mtu kuwa mwenyewe bila kuingiliana na mwingine au kufuta upekee wake.

Bwana atahukumu ubinadamu kulingana na kigezo cha upendo wa kindugu

Ili kuzama ndani zaidi katika sifa hiyo nyeti na yenye maamuzi ya Mungu, Padre Pasolini alisoma tena kwa uangalifu na upya wa fumbo la hukumu ya mwisho, iliyosimuliwa na mwinjili Mathayo (25, 31-46): kwa maana iliyounganishwa zaidi, ya andiko hilo  inasisitiza kwamba, mwisho wa nyakati, Bwana atahukumu ubinadamu kulingana na kigezo cha upendo wa kidugu. Lakini katika maana yake ya ndani kabisa, anaeleza mhubiri, mfano huo unasema kwamba siku moja watu wote, hata wale ambao hawajahubiriwa, wataweza kuingia katika Ufalme wa Mungu “kupitia upendo unaooneshwa kwa hao ndugu walio wadogo zaidi wa Bwana. Kutokana na hili hupata jukumu kubwa na zito kwa Wakristo hitaji la sio kuwatendea wengine mema tu bali  pia kuwaruhusu wengine kufanya hivyo, na hivyo kuelezea yaliyo bora zaidi ya ubinadamu wao na kufanya udogo kigezo cha kulingana na uaminifu kwa Mungu. Maana ya kwanza ya mfano wa Hukumu ya Mwisho, alisisitiza Baba Pasolini, ni hii hasa: Kabla ya kufanya mema, ni vizuri na muhimu kukumbuka kujifanya zaidi mndogo.

Kwa asili tunampenda jirani yetu tunapotaka kitu

Kwa hakika, Mungu  hataki watoto wake kujua jinsi ya kupenda tu bali pia kwamba wajue jinsi ya kujiruhusu kupendwa na wengine, akiwapatia fursa ya kuwa wema na wakarimu, alisisitiza Padre Pasolini. Ni njia ya ndani ya upendo, kwani inamwachia nafasi nyingine, kuruhusu ubinadamu wake kujidhihirisha kwa njia bora. Kwa asili, tunampenda jirani yetu hasa tunapomwendea kwa upole wa kunyang'anya silaha na kumruhusu kukutana na kukaribisha udhaifu wetu, tukiweka kwa vitendo sanaa ngumu zaidi ambayo sio kupenda, lakini kujiruhusu kupendwa. Kwa hiyo inaeleweka kama mtindo wa maisha na ubinadamu wenye kuzaa sana, udogo unakuwa tendo la uinjilishaji wa kweli, kwa sababu unamweka mwingine katika nafasi ya kujumuisha ishara za upendo wa kidugu.

Mtakatifu Francisko wa Assisi kukutana na Sulta Malik -Kamil

Kwa mfano wa haya yote, Padre Pasolini alimtaja Mtakatifu Fransis wa Assisi ambaye alifanya udogo kuwa kigezo cha kumfuata” Bwana na sehemu ya utambulisho wetu wa ndani kabisa. Hii ilitokea, hasa, katika mkutano kati ya Maskini Francis na sultani Malik-al-Kamil: baada ya mazungumzo hayo, sultani hakubadilika, lakini alimkaribisha Francis na kumtunza, akichukua fursa hiyo, iliyotolewa kwake na mtakatifu kueleza yaliyo bora kwake. Wakristo hawana 'ukiritimba' juu ya wema, bali lazima pia kuruhusu wengine kuutenda.

Tusiwahukumu wengine kabla ya wakati

Padre Pasolini alikazia kipengele kingine cha msingi cha mfano wa Hukumu ya Mwisho huku aki fafanua, na kutualika kusimamisha hukumu zote za kibinadamu ambazo tunaelekea kufanya kabla ya wakati, yaani, kabla ya hukumu ya mwisho ya Bwana. Kwa sababu hiyo, badala ya fumbo la hukumu ya mwisho, tunapaswa kuzungumzia fumbo la mwisho wa hukumu yote, kwa sababu tukiacha kumhukumu jirani yetu, jambo ambalo si juu yetu, tutaweza kuzingatia kile ambacho ni muhimu sana na hasa kuwa daima huru zaidi, tukienda mbali na mantiki ya kiuchumi ambayo kwayo tunafanya mambo kwa nia ya kurudishiwa.

Ubinadamu kufua njia pekee ya uhuru kamili

Kwa kubaki mbali na matarajio na mienendo nyemelezi, kiukweli, ubinadamu utaweza kufuata njia pekee ya kweli ambayo ni ya uhuru kamili, kwa kuacha kufanya ishara hizo ambazo huwa na tabia ya kununua shukrani za wengine na kuvunja kanuni ya kulinganisha ambayo yeye hupima kimo chake mwenyewe. Ni kwa njia hii tu, itawezekana kufungua furaha ya kina na thabiti, kuondokana na hofu ya kutokuwa na thamani ya kitu chochote na kuanza kujitolea, kuruhusu wengine kufanya vivyo hivyo na sisi.

Kutenda wema tusio fahamu

Ni nzuri isiyo na fahamu, kwa hivyo, ufunguo wa kweli wa kuingia katika Ufalme wa Mungu, kwa mema ambayo tutakuwa tumefanya bila kutambua, lakini ambayo wengine wataweza kutambua. Kisha, mwishoni mwa wakati mshangao mkubwa utakuwa kugundua kwamba Mungu hakuwa na matarajio yetu, zaidi ya shauku kubwa ya kutuona tunafanana naye katika upendo. Siku hiyo, haitahesabu idadi ya matendo mema au mabaya yaliyofanywa, lakini ikiwa, kupitia kwao, tumeweza kukubali na kuwa sisi wenyewe kikamilifu.

Tarajio la uhakika la mbingu mpya na dunia mpya.

Kwa kuchungulia karibu sana na Noeli na ufunguzi wa Jubilei, Padre Pasolini alitualika kuchagua kumwilisha udogo ili kushiriki tumaini la Injili katika ulimwengu unaoonekana  na uhasama au usiojali, lakini ambao kwa uhalisia unangoja kukutana na uso wa huruma ya  Baba tu katika mwili dhaifu, lakini wa kupendeza siku zote wa watoto wake. Kuvuka Mlango Mtakatifu wa Jubilei kwa uaminifu mkubwa , bila wasiwasi wa kuonesha wasifu tofauti na ule ambao Kanisa limeweza kukuza kwa karne nyingi, inaweza kweli kuwa tumaini kubwa.  Padre Pasolini alihitimisha Tafakari kwa  sala ya Mwaka Mtakatifu, ili neema ya Bwana ibadilishe wanadamu kuwa wakulima wenye bidii wa mbegu za kiinjili, katika tarajio la uhakika la mbingu mpya na dunia mpya.