Ukraine,mashambulizi ya Kirusi yanaendelea, vituo vya mijini vinazidi kupigwa
Na Angella Rwezaula – Vatican.
Mashambulio ya mabomu ya vikosi vya Urusi nchini Ukraine yanaendelea. Waziri wa Mambo ya Nje Dmytro Kuleba aliripoti mabomu kwenye Chernihiv, ambayo yalisababisha vifo vya baadhi ya raia, wakati eneo katika mkoa wa Odessa lilikuwa chini ya shambulio la kombora kutoka baharini, kulingana na video iliyotolewa na utawala. Uvamizi huo unadaiwa kugonga kijiji cha Tuzla, lakini hakukuwa na majeruhi, ingawa mamlaka ilisema miundombinu muhimu iliathiriwa.
Miji kadhaa ya ukriane huko katika vituko vya Warusi. Usiku mmoja Mykolaiv, karibu na Bahari Nyeusi, ilishambuliwa. Mshauri wa urais wa Ukraine Oleksiy Arestovich aliambia kituo cha utangazaji cha Belsat TV kwamba hali katika vitongoji vya Kiev ni janga na kwamba ni ngumu kuwahamisha wakazi. Meya wa Gostomel, Yuriy Prilipko, aliuawa kwa kupigwa risasi alipokuwa akisambaza chakula na dawa. Makazi ya mijini, yenye wakazi zaidi ya elfu 15, ni nyumbani kwa uwanja wa ndege kwa usafiri wa mizigo na imekuwa katikati ya mapigano tangu siku za kwanza za uvamizi wa Urusi.
Shirika kuu la usalama la Ukraine limetangaza kuwa roketi zimerushwa katika Taasisi ya Fizikia na Teknolojia ya Kharkiv, Chanzo cha Neutron, ambacho kinahifadhi kituo cha nyuklia na vipengele 37 vya mafuta yanayohusiana na kutumwa katika eneo lake la kazi, na mtendaji mkuu wa Pentagon alisema kuwa Urusi imerusha makombora 600 ndani ya Ukraine tangu uvamizi huo. Kwa vyovyote vile, vikosi vya Urusi havingeweza kupenya upande wa mashariki kuelekea Luhansk, na jana, wakati wa mapigano, jeshi la Ukraine liliharibu magari 8 ya kivita ya Urusi na kuua askari 40, wakati kutokana na shambulio la bomu walikatizwa mikondo ya kibinadamu huko Mariupol na Volnovakha.
