Nicaragua yafuta hadhi ya kisheria ya NGO 16 na baadhi ni ya Kikristo

Vatican News

Serikali ya Nicaragua Jumanne tarehe 16 Januari 2024  ilifuta hadhi ya kisheria ya Mashirika yasiyo ya kiserikali 16 (NGOs)ambamo  miongoni mwake ni ya  Kikatoliki na kiinjili. Kwa mujibu wa taarifa kutoka Wizara ya Mambo ya Ndani ya Nchi, mashirika tisa yasiyo ya kiserikali yamefungiwa kwa kushindwa kufuata kanuni zinazowaongoza na kukwamisha shughuli za uangalizi na ufuatiliaji zinazotolewa na mamlaka.

Mali ya Mashirika ya Kikristo inahamishiwa serikalini

Mali inayohamishika na isiyohamishika ya Mashirika yasiyo ya Kiserikali(NGOs)kwa njia hiyo itahamishiwa Serikalini. Mashirika mengine yasiyo ya kiserikali 7 hata hivyo, yamewasilisha maombi kwa hiari ya kuvunjwa. Zaidi ya mashirika 3,500 yasiyo ya kiserikali yamevunjwa na serikali huko Managua tangu 2018, mwaka ambapo maandamano ya wananchiya  kupinga mageuzi ya hifadhi ya jamii yalipozuka.