Mafuriko nchini Congo yameharibu miundo mbinu lakini zaidi maafa makali.

ULIMWENGU

Mafuriko Congo DRC,Unicef:watu milioni 2 wanaohitaji msaada wa kibinadamu!

Mafuriko mabaya zaidi katika miaka 60 iliyopita yameathiri mamilioni ya wakaazi,karibu 60% yao wakiwa watoto.Maji ya mafuriko yaliharibu karibu nyumba 100,000,shule 1,325 na vituo 267 vya afya.Hatari ni ya janga la kipindupindu lisilodhibitiwa.Kulingana na shirika la Umoja wa Mataifa la Kuhudumia Watoto UNICEF linaongeza juhudi za kudhibiti janga hilo.

Vatican News

Kuna takriban watu milioni mbili, ambapo asilimia 60 kati yao ni watoto, wanaohitaji msaada wa kibinadamu wa haraka kutokana na mafuriko makubwa katika Jamhuri ya Kidemokrasia ya Congo (DRC), ambapo mto Congo umefikia viwango ambavyo havijawahi kuonekana katika zaidi ya miaka sitini iliyopita. Hayo yalisemwa na Shirika la Umoja wa Mataifa la Kuhudumia Watoto(Unicef) ambalo, katika taarifa yake inaripoti makadirio ya OCHA ambayo kulingana na mikoa 18 kati ya 26 ya nchi imekumbwa na mvua kubwa ya kipekee katika miezi miwili iliyopita. Maji ya mafuriko yanakadiriwa kuharibu karibu nyumba 100 000, shule 1,325 na vituo vya afya 267. Mazao yameharibika katika mashamba yaliyojaa maji na hivyo kuongeza uwezekano wa uhaba wa chakula katika baadhi ya maeneo.

Hatari ya mlipuko wa kipindupindu

Huku asilimia 40 ya wagonjwa wa kipindupindu wakipatikana katika maeneo yenye mafuriko au yanayokumbwa na mafuriko, UNICEF imeongeza juhudi za kukabiliana na janga ambalo linahatarisha kutodhibitiwa. Baadhi ya watabiri wanatabiri juu ya mvua zaidi, na hivyo kuongeza uwezekano kwamba kipindupindu kitahama kutoka maeneo ambayo ktayari katika Mto Congo hadi katikati mwa jiji la Kisangani na kisha hadi Kinshasa, mji mkuu. Katika hali kama hiyo mnamo 2017, kipindupindu kilienea katika nchi nzima, na kusababisha karibu kesi 55,000 na vifo zaidi ya 1,100.

Bila hatua za haraka

"Watoto nchini DRC wanakabiliwa na mafuriko mabaya zaidi kuwahi kutokea katika miongo kadhaa na janga baya zaidi la kipindupindu kuwahi kutokea kwa miaka mingi. Maji yanayoongezeka yanaharibu nyumba zao na kuongeza tishio la magonjwa yanayotokana na maji, na kuwaweka katika hatari zaidi,"Alisema hayo Grant Leaity, mwakilishi wa Unicef katika nchi hiyo. "Bila hatua za haraka za kutoa maji salama, usafi wa mazingira na huduma za afya ili kudhibiti kuenea kwa kipindupindu, mafuriko yaliyoenea yanaweza kusukuma idadi ya kesi katika viwango visivyo na kifani."

Asilimia 80% ya kesi nchini DRC

Kulingana na Shirika la Afya Ulimwenguni (WHO), zaidi ya visa 52,400 vya kipindupindu na vifo 462 vilirekodiwa katika Jamhuri ya Kidemokrasia ya congo mnamo 2023, na kuifanya kuwa moja ya janga kubwa zaidi ulimwenguni. DRC ilirekodi 80% ya visa vyote vya kipindupindu katika Afrika Magharibi na Kati. UNICEF inatoa maji ya kunywa, vifaa vya kutibu maji na vifaa vya usafi kwa maeneo yaliyoathirika. Pia inafanya kazi na mamlaka za mitaa kuhakikisha uendelevu wa huduma za ulinzi wa watoto, kama vile kuwaunganisha watoto waliotenganishwa na familia zao na usaidizi wa afya ya akili.

Timu ya UNICEF

Timu za kudhibiti kipindupindu zinazoungwa mkono na UNICEF pia ziko chini na kutoa jibu la kwanza wakati kesi za kipindupindu zinashukiwa. Hii ni pamoja na usambazaji wa vifaa vya kuzuia kipindupindu, kuondoa uchafuzi wa nyumba na vyoo vya jumuiya na kuunda sehemu za kuua mikono. Timu hizo pia zinaimarisha hatua za kuzuia, ikiwa ni pamoja na shughuli za kuongeza uelewa na ufuatiliaji, na kuimarisha vituo vya matibabu ya kipindupindu, ikiwa ni pamoja na Kinshasa. Ili kuunga mkono mpango wa Serikali wa kukabiliana na mafuriko, UNICEF inatumia ufadhili mkuu wa Dola za Kimarekani 700,000 kuanzisha usafi wa maji, usafi wa mazingira, afya na ulinzi wa watoto. Jumla ya dola milioni 9 zinahitajika kwa ajili ya hatua ya awali ya UNICEF kukabiliana na mafuriko katika maeneo haya matatu.

Mafuriko DRC