நேர்காணல்: அருளாளர் தேவசகாயம் புனிதர்பட்ட முன்தாயரிப்பு பகுதி 1

மேரி தெரேசா: வத்திக்கான்

வருகிற மே மாதம் 15ம் தேதி, வத்திக்கானில் திருத்தந்தை பிரான்சிஸ் அவர்கள் தலைமையேற்று நிறைவேற்றும் திருப்பலியில் மறைசாட்சி அருளாளர் தேவசகாயம் அவர்கள் புனிதராக அதிகாரப்பூர்வமாக அறிவிக்கப்படவுள்ளார்.  அருளாளர் தேவசகாயம் அவர்கள் 1712ம் ஆண்டு ஏப்ரல் 23ம் தேதி நட்டாலம் என்ற கிராமத்தில் பிறந்தார். ஏப்ரல் 23, வருகிற சனிக்கிழமையன்று அவர் பிறந்து 310 ஆண்டுகள் ஆகின்றன.  இவருக்கு புனிதர்பட்டமளிப்பு வழங்கும் நிகழ்வை முன்னிட்டு, கோட்டாறு மறைமாவட்டத்தின் அருள்பணி முனைவர் ஜான் குழந்தை அவர்களை, அம்மறைமாவட்டத்தின் அருள்பணி ஜெயக்கொடி அவர்கள் நீண்டதொரு பேட்டி கண்டுள்ளார். அருள்பணி முனைவர் ஜான் குழந்தை அவர்கள், இப்புனிதர்பட்டத் திருப்பணிகளை முன்னெடுத்துச் செய்து வருபவர், மற்றும், அம்மறைசாட்சி பற்றிய ஏராளமான தகவல்களைச் சேகரித்திருப்பவர். கோட்டாறு மறைமாவட்டத்தின் முன்னாள் குருகுல முதல்வராகிய அருள்பணி ஜான் குழந்தை அவர்கள், திருச்சி புனித பவுல் குருத்துவ கல்லூரியின் முன்னாள் தலைவர் ஆவார். இவர் பல குருத்துவ மாணவர்களை உருவாக்கியிருப்பவர்.