உரோம் மறைமாவட்ட பங்குதளத்தில் அருள்பணியாளர்களுடன் திருத்தந்தை

கிறிஸ்டோபர் பிரான்சிஸ் - வத்திக்கான்

உரோம் மறைமாவட்ட ஆயர் என்ற முறையில் டிசம்பர் 21ஆம் தேதி வியாழக்கிழமை மாலையில் உரோம் நகரின் தென்மேற்கு பகுதியின் பங்குதளத்தையும் மேய்ப்புப்பணி மையத்தையும் சென்று சந்தித்த திருத்தந்தை பிரான்சிஸ் அவர்கள், அப்பகுதியில் பணியாற்றிவரும் ஏறக்குறைய 30 அருள்பணியாளர்களைச் சந்தித்து உரையாடினார்.

உரோம் புறநகர்ப் பகுதியில் உள்ள சான் ஜார்ஜியோ பங்குதளத்தையும், புனித ஜியான்னா பெரெத்தா மொல்லா மேய்ப்புப்பணி மையத்தையும், அப்பகுதி அருள்பணியாளர்களையும் சந்திக்கச் சென்ற திருத்தந்தையை உரோம் மறைமாவட்ட துணை ஆயர்களுள் ஒருவரான தாரியோ ஜெர்வாசி அவர்கள் வரவேற்றார்.

உரோம் மறைமாவட்டத்தின் ஆயர் என்ற முறையில் அம்மறைமாவட்டத்தின் பல்வேறு பகுதிகளுக்குச் சென்று அப்பகுதியின் அருள்பணியாளர்களை ஓரிடத்தில் வரவைத்து சந்தித்துவரும் திருத்தந்தை பிரான்சிஸ் அவர்கள், அதன் ஒரு பகுதியாக உரோமின் தென்மேற்குப் பகுதியில் உள்ள சான் ஜார்ஜியோ பங்குதளத்திற்கு டிசம்பர் 21ஆம் தேதி மாலை சென்று, அப்பகுதி அருள்பணியாளர்களையும் விசுவாசிகளையும் சந்தித்து உரையாடினார்.

கடந்த மாதத்தில், அதாவது, நவம்பர் 16ஆம் தேதி உரோம் புறநகர் பகுதியில் உள்ள விருந்தோம்பல் நமதன்னை பங்குதளம் சென்று அப்பகுதியின் ஏறக்குறைய 40 அருள்பணியாளர்களையும், அப்பங்குதளம் வழி உதவிகளைப் பெறும் குடும்பங்களையும் சந்தித்து உரையாடினார் திருத்தந்தை.