கிறிஸ்தவர்கள் முழு ஒன்றிப்பை அடைய இறைவேண்டல் செய்வோம்!

செல்வராஜ் சூசைமாணிக்கம் - வத்திக்கான்

கிறிஸ்தவ ஒன்றிப்புக்கான இறைவேண்டல் வாரம் இன்று தொடங்குகிறது என்றும், இந்த ஆண்டின் கருப்பொருள் கடவுள் மற்றும் நமக்கு அடுத்திருப்போரின் அன்பைக் குறித்துப் பேசுகிறது என்றும் குறிப்பிட்டுள்ளார்.

ஜனவரி 18, இவ்வியாழன்று, கிறிஸ்தவ ஒன்றிப்பு என்ற ஹேஷ்டாக்குடன் வெளியிடப்பட்டுள்ள இந்த டுவிட்டர் செய்தியில், கிறிஸ்தவர்கள் முழு ஒன்றிப்பை அடையவும், அனைவரிடமும், குறிப்பாக மிகவும் பலவீனமானவர்களிடமும் அன்பின் சாட்சியாக இருக்கவும் ஒன்றிணைந்து இறைவேண்டல் செய்வோம் என்று கூறியுள்ளார் திருத்தந்தை.

ஜனவரி 18, இவ்வியாழன் முதல் வரும் வாரம் வியாழன் வரை திருஅவையில்  சிறப்பிக்கப்படும் கிறிஸ்தவ ஒன்றிப்பு வாரத்திற்கு ‘உன் கடவுளாகிய ஆண்டவரிடம் அன்பு கூர்வாயாக. உன்மீது நீ அன்புகூர்வது போல் உனக்கு அடுத்திருப்பவர் மீதும் அன்பு கூர்வாயாக’ (காண்க.லூக் 10:27) என்ற இறைவார்த்தைகள் தலைப்பாக எடுக்கப்பட்டுள்ளன.

ஜனவரி 21-ஆம் தேதி திருஅவையில் சிறப்பிக்கப்படும் இறைவார்த்தை ஞாயிறை ஒட்டி வத்திக்கான் தூய பேதுரு பேராலயத்தில் திருப்பலி நிறைவேற்றும் திருத்தந்தை, அவ்வாரத்தில் கொண்டாடப்படும் கிறிஸ்தவ ஒன்றிப்பு வாரத்தையொட்டி, புனித பவுல் மனம் திரும்பிய நாளான ஜனவரி 25ஆம் தேதி, அதாவது கிறிஸ்தவ ஒன்றிப்பு வாரத்தின் இறுதி நாள் மாலையில் உரோம் நகரின் புனித பவுல் பெருங்கோவிலில் பிற கிறிஸ்தவ சபையினருடன் இணைந்து செபவழிபாட்டில் கலந்துகொள்வார்.