வசதிகள் நிறைந்த நமது சூழலைக் கடந்து தேவையிலிருப்போருக்கு உதவுவோம்!

செல்வராஜ் சூசைமாணிக்கம் - வத்திக்கான்

வசதி வாய்ப்புகள் நிறைந்த நமது சூழலிலிருந்து வெளியேறி, தேவையில் இருப்போருக்கு உதவுவதற்காகவே நாம் உலகில் இருக்கிறோம் என்று கூறினார் திருத்தந்தை பிரான்சிஸ்.

ஜூன் 21, இவ்வியாழனன்று பதிவிட்டுள்ள தனது குறுஞ்செய்தி ஒன்றில், இவ்வாறு உரைத்துள்ள திருத்தந்தை, மற்றவர்களுக்காக நம்மைக் கொடுப்பதன் வழியாக மட்டுமே நம்மையே நாம் கண்டுகொள்ள முடியும். ஏனென்றால் பிறருக்காக  நமது வாழ்க்கையை வழங்கும்போது மட்டுமே வாழ்க்கை பெறப்படுகிறது என்றும் குறிப்பிட்டுள்ளார்.