ልኡካን ጨንፈር ካሪታስ ኢጣሊያን ጉባኤ ጳጳሳት ኢጣሊያን ኣብ ቅድስቲ መሬት

ስምዖን ተ. ኣርኣያ - ሃገረ ቫቲካን

ጨንፈር ካሪታስ ኢጣሊያ ቤት ጽሕፈት ኣገልግሎት ንልምዓት ህዝብታት ዝግበር ምትእትታው ግብረ ሰናይ ሎሚ ዕለት 24 ሰነ ዝጀመሮ ዑደት ቅድሚ ኩሉን ልዕሊ ኩሉን በቲ ዝቕጽል ዘሎ ግጭት ዝጉዳእ ዘሎ ህዝቢ ናይ ቅርበትን ምትሕግጋዝን መልእኽቲ ንምርግጋጽን፡ ከምኡ’ውን ምስ ሰራሕተይናታት ጨንፈር ካሪታስ ኢየሩሳሌም ንምርኻብን ብዛዕባ ኣብቲ ከባቢ ዘሎ ህልው ኩነታት ንኽመኽሩን ብቐጥታ ነቲ ኣብቲ ከባቢ ዘሉ ህልው ኩነታት ንምስትውዓልን ዝኣመተ ምብጻሕ ኮይኑ፡ ድሕሪ ምሉእ ሓፈሻዊ ዓውደ ኣኼባ ቤት ምኽሪ ጳጳሳት ኢጣሊያ ነቲ ብምኽንያት ዓቢይ ጾም ዝተወሰነ ምጽዋት ንሓገዝ ቅድስቲ መሬት ዝብል መደብ፡ ዝተኣከበ ወፈያታት ናብ ጭቡጥ ዕዮ ንምትርጓም ዝዓለመ እውን ምዃኑ ዜና ቫቲካን ይሕብር።

መድርኻትን ርክባትን

ነቶም ኣብ ዝተፈላለየ ዞባታት ቅድስቲ መሬት ዝሰርሑ ኣባላት ካሪታስን ህዝብን እናሰማዕካ፡ ብዛዕባ ኩነታት ቅድስቲ መሬት ቀጥታዊ ኣረኣእያ ክህልወካ ምኽኣል ኣገዳሲ እዩ። እቲ ልኡኽ ኣብ ምዕራባዊ ገማግም ዮርዳኖስ ምብራቓዊ ኢየሩሳሌም፣ ራማላሕን ቤተልሄምን፣ ከምኡ’ውን ኣብ እስራኤል፣ ኣብታ ጥንታዊት ከተማ ኢየሩሳሌም፣ ኣብ ዝተፈላለየ ከባቢታትን ከምኡ እውን “ነቨ ሻሎም – ዋሃት ኣስ ሰላም / ዓይነ ሰላም” ብዝብል መጸውዕ ዝፍለጥ ብፍልስጤማውያን ኣይሁድን ዓረብን ብሓባር ዘቖምዎ ቑሸት ክበጽሑን ኣብ መንጎ ክልቲኦም ህዝብታት ንሰላም፡ ማዕርነትን ምርድዳእን ክህሉ ብዘለዎም ተወፋይነት ጠርኒፎም ብሓባር ዘቖምዎ ቑሸት እዩ።

እቶም ልኡካን ምስ ናይ ኢየሩሳሌም ናይ ላቲን ስርዓት ናይ እትኽተል ካቶሊካዊት ቤተ ክርስቲያን ፓትሪያርክ ካርዲናል ፒየርባቲስታ ፒዛባላ ሓዊሱ ምስ ናይ ዝተፈላለየ ፖለቲካውን ምሁራትን መናብርተ ጥበብን ምስ በርገሳውያን ማሕበራት ወከልቲ ክራኸቡ እውን ምዃኖም ዜና ቫቲካን ኣፍሊጡ።

ውጥናት ምክፋል

ካብ ዕላማታት ናይቲ ጉዕዞ፡ ምክፋል ቀጻሊ ውጥናትን መጻኢ መደባትን ካሪታስ ኢየሩሳሌም፡ ቀጻሊ ምትሕብባር ንምሕያል ዝብል ኮይኑ። ብፍላይ ኣብ ቓዛን ምዕራባዊ ገማግም ዮርዳኖስን ንዝግበር ሰብኣዊ ሓገዝ፡ ድሕሪ ግጭት ኣብ ዝግበር ማሕበረ-ቁጠባዊ ምሕዋይን ዳግመ ህንጸትን - ከምኡ'ውን ምስ ምትብባዕ ንግደትን ዝምድናታትን ምስ ሰበኻታት ፍልስጤምን እስራኤልን - ከምኡ'ውን ምእንቲ ግርጭታት ኣብ ምፍታሕ ዓመጽ ጥራይ ተስፋ ከይከውን ኣብ ምድንፋዕ ናይ ሰላም ባህልን ሓባራዊ ናብራን ምትብባዕን ዝብል ኮይኑ፡ ኣብቲ ሓሙስ 27 ሰነ ዝዛዘም ተልእኾ ጨንፈር ካሪታስ ኢጣሊያ ዋና ሓላፊ ኣባ ማርኮ ንኚየሎ፤ ምኽትሎም ፓውሎ ቫለንተ፡ ሓላፊ ጨንፈር ካሪታስ ኢጣልያ ንማእከላይ ምብራቕ ናይ ዝግደስ ቤት ጽሕፈት ሓላፊ ዳኒሎ ፌሊሻችያንጀሊ፡ ኣባ ጋብሪኤለ ፒፒናቶ ሓላፊ ጉዳያት ግብረ ሰናይን ኣገልግሎት ንልምዓት ህዝብታት ቤት ምኽሪ ጳጳሳት ኢጣሊያ ዘሳተፈ ምዃኑ ዜና ቫቲካን ይሕብር።