ቤተ-ክርስትያን ዘለዋ ናይ ሓቂ ጽልዋ ደድሕቲ 'እምነዮ' ምስዓብ ዘይኰነስ ምሕረት ኣምላኽ ኣብ ምክፋል

ኣባ ተወልደ መብራህቱ - ሃገረ ቫቲካን

ናይ ሰበኻ ኢሊጋን ጳጳሳ ብፁዕ ኣቡነ ሆሴ ራፓዳስ ነቶም ኣብ ኣገልግሎቶም ነዚ ጽቡቕ ባህርያት እዚ ዜንጸባርቑ ካቶሊካውያን ሰብ ሞያ መራኸቢ ብዙሓን፣ ንመንግስቲ ኣምላኽ ኣብ ዓለም ከም እትግለጽን ከም እትምስገንን ኢዮም ዝገብሩ ክብሉ መስከሩ።

"ኣብ ቤተ-ክርስትያን ውጽኢታውን ሓቅነቱ እተረጋገጸን ጽልዋ ንምግባር... ብዛዕባ ምሕረትን ድንጋጽን ኣምላኽ ክንምስክር ኣሎና " በሉ።

ወሲኾም ድማ "ነዚ ምስ እንምስክር መንግስቲ ኣምላኽ ብሕያውነትና ክትምስገን እያ" በሉ፣ ኣስዕብ ኣቢሎም ድማ "እዚ ኣገዳሲ ዕዮ ማሕበራዊ ርክንባትና እዩ" ክብሉ መዓዱ።

እዞም ጳጳስ ኣብቲ ብዕለት 6 ነሓሰ ዝዓረገ መሥዋዕተ ቅዳሴ ካልአይ መዓልቲ ናይቲ ኣብ  ከተማ ሊፓ ዝካየድ ዘሎ ሃገራዊ ዋዕላ ካቶሊካዊ መራኸቢ ብዙሓን ኣብ ዝለገስዎ ስብከት ነዚ ሓሳብ እዚ ኣካፈሉ ።

ልዕሊ 300 ዝዀኑ ሰራሕተኛታት ንኣገልግሎት ማሕበራዊ መራኸቢ ብዙሓን ዀነ ወለንተኛታት ኣብቲ ኣኼባ ተረኺቦም ኣለዉ እዚ ድማ ክሳዕ ሎሚ 8 ነሓሰ ዝቕጸለ ዋዕላ ኢዩ ።

ብፁዕነቶም ኣብቲ ዝለገስዎ ስብከት ቃል ኣምላኽ ኣብ ማሕበራዊ ጕዳያት ሓሳብ ንሓሳብ ናይ ምልውዋጥ ኣገልግሎት ዝያዳ ኣገዳስነት ዘለዎን ሰዓብቲ ንምርካብ ዘይኰነስ ነቲ ፍቕሪ ኣምላኽ ዘንጸባርቕ ሓቅን ስነ-ምግባራዊ ስርዓታትን ንምክፋል ምዃኑ ኣነጸሩ።

ብፁዕ ኣቡነ ራፓዳስ ኣስዒቦም ከምዚ በሉ - "ምስ ኢየሱስ ብትብዓት ክንራኸብን ብዛዕባ እቲ ኣብ ህይወትና ዘሎ ናይ ምሕዳስ ሓይሊ ክንምስክርን ተጸዊዕና ኢና። ወሲኾም ድማ "ምስክርነት ማራኺ እዩ" በሉ።

እቲ ብኮሚሽን ማሕበራዊ መራኸቢ ብዙሓን ጉባኤ ጳጳሳት ፍልፒንስ እተወደበ ናይ ኣርባዕተ መዓልቲ ዋዕላ ብዛዕባ እቲ ሰብ ዝሰርሖ ኣስተውዕሎትን ኣብ ኤለክትሮኒካዊ ዓለም ዘሎ ኣገባብ ስብከተ ወንጌልን ዘለዎ ግደ ንምምይያጥ ዝዓለመ ኢዩ ዝነበረ።

እቶም ሰበኻ ኖቫሊሸስ ጳጳስ ነቲ ዝዓረገ መሥዋዕተ ቅዳሴ ዝመርሑ ዝነብሩ ብፁዕ ኣቡነ ሮበርቶ ጋኣ ውን ብወገኖም እዚ ሰብ ዝሰርሖ ኣስተውዕሎት ሓሳብ ንሓሳብ ንምልውዋጥ ዜኽእል ሓያል መሳርሒ እኳ እንተ ዀነ ሓባራዊ ጥቕሚ ንምድንፋዕ ዜድሊ ሰብኣዊ ጥበብ ከም ዘይብሉ ውን ገለጹ ።

ነቲ ርእሰ ሊቃነ ጳጳሳት ፍራንቸስኮ ኣብዚ ዓመት እዚ ኣብ ዓለምለኻዊ መዓልቲ ማሕበራዊ መራኸቢ ብዙሓን ንዘመሓላለፍዎ መልእኽቲ ብምጥቃስ ንጥበብ ልቢ ወድሰብ ክትክኦ ከም ዘይክእል ኣጕልሑ።

"ካብቲ ምስካልእ ልቢ ክቃዲ ዝኽእል ልቢ ዚመጽእ ኣይኰነን። ንሕና ሰባት ግና ከማኡ ኢና" በሉ ኣቡነ ጋኣ።

"በዚ ኸምዚ ኸኣ ዚሰምዕ ልቢ ተመክሮ ዘለዎ ልቢ ከምኡውን ዜካፍል ልቢ ኺህልወና ተስፋ ንገብር" በሉ።