ኣብ ሲንጋፖር ንምብጻሕ ርእሰ ሊቃነ ጳጳሳት ፍራንቸስኮ ምድላዋት ይካየድ ኣሎ

ኣባ ተወልደ መብራህቱ - ሃገረ ቫቲካን

ወግዓዊ መርበብ ሓበሬት ዜና ሲንጋፖር ከም ዝገለጾ ካቶሊካዊ ርእሰ ሰበኻታት ሲንጋፖር ነቲ ወግዓዊ ምብጻሕ ርእሰ ሊቃነ ጳጳሳት ፍራንሲስ ኣብ ሲንጋፖር 2024 መዘከርታታት ናይ ዝኸውን ንጥፈታት ጸብጻብ ኣውጽአ ።

እዚ ድማ ካምቻታት ጽላል ቆብዕ ብራሾ ማይ. . . ወዘተ ከምኡውን እተወሰነ ነቲ ምብጽሕ ዘገልግል ጸሎታት ዝሓዘ ሕታም ንኡስ መጽሕፍ ጸልት እዩ። እዚ ኣቕሑ እዚ ብኢንተርነትን ኣብ ሰለስተ እተፈላለዩ ድኳናትን ተዘርጊሑ ይርከብ ኣሎ።

እቶም ካብ ቍምስናታትን ካቶሊካውያን ኣብያተ-ትምህርቲ  ዝመጹ 1,600 ዘመርቲ ዝሓቘፈ ጉጅለ መዛሙራን ጳጳሳዊ መሥዋዕተ ቅዳሴ ብዕለት 5 ሓምለ ልምምድ ከካይድ ጀሚሩ ኣሎ። ኣብ እተፈላለየ ክፍልታት እታ ሃገር ካብ ዚውክላ ሽዱሽተ ቁምስናታት ውን ልምምዳት የካይድ ኣሎ።

ኣብቲ ኣብ ወርሒ መስከረም ዚግበር ናይ መወዳእታ ልምምድ ድማ እዞም 1,800 ኣባላት ዘለውዎ ጉጅለ መዘምራንን ሙዚቀይናታትን ብሕብረት ልምምዳት ከካይዱ ኢዩም።

እቲ ኮሚተ ሃገራዊ ናይ ስፖርት ሜዳታት ነቲ ሃገራዊ ናይ ስፖርት ሜዳ ንጳጳሳዊ መሥዋዕተ ቅዳሴ ንምስንዳው ብዕለት 21 ሓምለ ኣኼባ ከም ዘካየደ ውን ተፍሊቱ ኣሎ ። እቲ ኣኼባ እቲ ኣኼባ ብዘይ ጸገም ምእንቲ ኺካየድ ኣኽበርቲ ጸጥታን ቍጽጽር ትራፊክን ከምኡውን ጕጅለታት ሕክምና ኣብ ምውዳብ ዘተኰረ ኢዩ ዝነብረ ።

ኮሚተ መራኸቢ ብዙሓንን ካብ መወዳእታ ወርሒ ሚያዝያ ኣትሒዙ ብዛዕባ እዚ ርእሰ ሊቃነ ጳጳሳት ዘካይድዎ ሓዋርያዊ ምብጻሕ ሓበሬታ ክዝርግሕ ይርከብ ኣሎ።

እዛ ጕጅለ እዚኣ ንህዝቢ ምእንቲ ከተሓባብሩን ነቲ ምድላዋት ምእንቲ ክዝግቡን ኣብ ኤለክትሮኒካዊ መራኸቢታት ዝሰርሑ ጸሓፍትን ኣዳለውቲ ቪድዮን ኣሰናዳእቲ ማሕበራዊ መራኸቢ ብዙሓንን ዝሓቘፈት ኢያ ።

ኮሚተ ትኬት ንጕዳያት ምዝገባ ዘሳልጡን ንሥርዓት ምስረታ ጉጅለ ኣኽበርቲ ጸጥታ ዘተሃባብሩን ኢዮም።

ካብ ዕለት 22-26 ሓምለ ኣትሒዛ እዛ ጕጅለ ናብ ሓሙሽተ ቁምስናታት ምብጽሕ ብምክያድ ምእመናን  ኣብና በቲ ካቶሊካዊ ካርድ ምዝገባኦም ኣቦሞም ኣብቲ መደብ ንምዝስታፍ ከተሓባብሩ ይርከቡ ኣለዉ።