ሰላም ምድንፋዕ፦ መንእሰያት ታይላንድ ንሃይማኖታዊ ስኒት ናብ ጕዕዞ "ኤክትራ"

ኣባ ተወልደ መብራህቱ - ሃገረ ቫቲካን

እቲ ብ30 ሕዳር እተገብረ "ዝያዳ ሰላም - ናይ ውጥናት ኣቀራርባ ውድድር" ዘርእስቱ ዋዕላ ንገለ ኻብቲ ኣብታ ሃገር ምስ ሃይማኖታዊ ርድኢትን ህላወን እተተሓሓዘ ኣዝዩ ኣገዳሲ ጕዳያት ንምፍታሕ ካብ 40 ኣብያተ-ትምህርቲ ዝመጹ 10 ናይ ብሉጻት ቐዳሞት ዝነበሮም ሓሳባት ዘካፍል ኢዩ ዝነበረ።

እቲ ውድድር በቲ ኻብ ቤት ትምህርቲ ሳራስ ኤክትራ ዝተወደበ "ተወሳኺ ሰላም " ዝተሰምየት ጕጅለ ተማሃሮ እተረኽበ ዓወት ተደሪኹ ኢዩ ተኻይዱ። ኣብቲ ዋዕላ ድማ ኣስታት 100,000 ናይ ታይላድ ባጤራ ዝተረኽቦ ኮይኑ ኣብ ወርሒ ሓምለ እተወደበ ኢዩ ዝነበረ።

እታ ጕጅለ ነቲ ገንዘብ ኣብ መንጎ እተፈላለያ ሃይማኖታት ዝርርብ ንምግባርን ንድፊ ናይቲ ውድድር ንምንዳፍ ዝዓለመ ውጥን ንምትግባር ተጠቕመትሉ።

እቶም ናይ መወዳእታ ኽኢላታት ንኸም ሃይማኖታዊ ምፍልላይን ኣብ መንጎ መንእሰያት ምርድዳእ እምነትን ዝኣመሰለ ብድሆታት ንምፍታሕ እተፈላለየ ሜላታት ኣቕረቡ ።

ሰፊሕ ትምህርታዊ ጸወታታት ካብ ምፍጣርን ፊልምታት ካብ ምድላውን ኣትሒዙ ኽሳዕ ናይ ራፕ ሙዚቃ ምጥቃምን ናይ ሓቂ ካርታታት ካብ ምዝርጋሕን ኣትሒዙ ኽሳዕ እቲ ኣብ መንጎ ሃይማኖታዊ ስኒትን ጠንቂ ሃይማኖታዊ ግጭትን ዘሎ መገድታት ዝትንክፍ ኢዩ ዝነበረ።

መራሒ ጕጅለ ተወሳኺ ሰላም ዝዀነ ቹላባት ታንቲካይቦሪቡን ንካቶሊካውያን ኣብያተ-ትምህርቲ "ብፍቕርን ድንጋጽን ኣኽብሮትን ዚምርሓሉ" መንነተን ገለጸ፣ ኣስዕብ ኣቢሉውን "ማሕበረሰብና ኻብ እተፈላለየ ሃይማኖታት ዝመጹ ተመሃሮ ዘለውዎ ብዝሓውነት ዘለዎ እዩ። እዚ ኸኣ ፍልልያት እኳ እንተሎና ብሓባር ክንመሃርን ክንራኸብን ክንዓብን ከም እንኽእል የርኢ።"

ቹላባት ከም ዝገለጾ ቤት ትምህርቶም እተፈላለየን ሰፊሕን ሃዋሁ ኸም ዚሰፍን ዚገብር እኳ እንተ ዀነ፣ እቲ ኻብ መናድቕ ወጻኢ ዘሎ ዝሰፍሐ ኽውንነት ግና በዳሂ እዩ ፣ ቀጻሊ ሃይማኖታዊ ግጭታት ከኣ ምክፍፋል ዘምጽእ ኢዩ ክብል ኣመልከተ ።

ብዙሓት ሰባት ብዛዕባ ሃይማኖታዊ ፍልልያት ካብ ምምይያጥ ድሕር ምሕር ከም ዚብሉ ኣጕልሐ፣ እዚ ድማ ነቲ ንሓድሕዶም ንኺረዳድኡ ዚገብርዎ ጻዕርታት ይዓናቕፎ ኢዩ ።

"ኵለን ሃይማኖታት ሰላም ዚምህራ እንተ ደኣ ኮይነን፣ ኵለን ሃይማኖታት ሰላም ኪረኽባ ስለ ምንታይ ዘይክእላ? እዛ ሕቶ እዚኣ ሕመረት ውጥን ተወሳኺ ሰላም ኮይና ውን ተረኽበት" በለ።

እቲ ውድድር መንእሰያት ስኒት ዘለዎ መጻኢ ኣብ ምቕራጽ ኣገዳሲ ግደ ኸም ዘለዎም ዜጕልሕ ነበረ ። ኣመሓዳሪ ቤት ትምህርቲ ሳራስ ኤክትራ ዝዀነ ፒሱት ዮንግካሞል ንማሕበራዊ ብድሆታት ኣብ ምፍታሕ ሓቅነት ዘለዎ ምዃኑ ውን ኣጕልሐ ።

"ሎሚ ነፍሲ ወከፍና ለውጢ ኣብዚ እዋን እዚ ኸም ዚጅምር ኣርእዩና ኣሎ። ብኣቀራርባኹምን ሓሳባትኩምን ኣቢልኩም ካብዚ ፍጻመ እዚ ሓሊፉ እናዓበየ ዚኸይድ ዘርኢ ሰላምን ተስፋን ተኺልኩም ኢኹም " በለ ።

ዮንግካሞል ነቶም ተሳተፍቲ "ሓቅነት እቲ ልዕሊ ዅሉ ዝሓየለ ሃብትኹም ኢዩ " ብምባል ወትሩ ክዝክርዎ ተማሕጸኖም፣ ኣስዕብ ኣቢሉውን" ንገዛእ ርእስኹም ጠቢቕኩም ሓዝዋ እዚ ድማ ከም ቀየርቲ መጠን ንጕዕዞኹም ክመርሖ ፍቐዱሉ" በለ ።

እቲ ኣጋጣሚ ምይይጥን ምትሕብባርን ዘለዎ ሓይሊ እውን ዘጉልሕ ኢዩ ዝነበረ ። ኣመሓዳሪ ዜና ሊካስ ዝዀነ ፒተር ሞንቲየንቪችየንቻይ ነቶም ተመሃሮ ነቲ ተኣፋፊ ጕዳያት ኣብ ምፍታሕ ዘርኣይዎ ትብዓት ነኣዶም ።

"እዚ ሎሚ [እቶም ቈልዑ] ኣብዚ ዝገበርኩምዎ ነገራት ካብ ኵሉ ትጽቢታት ንላዕሊ ኢዩ፣ ብፍላይ ከኣ ንኸምዚ ዝኣመሰለ ኣጸጋምን ተኣፋፍን ጕዳይ ንምፍታሕ ትብዓት ብምርካብኩም ኢዩ። ሎሚ ዘሎ ፍጻመታትን ዝቐረበ ፍታሕን ንዅላትና ተስፋ ይህበና ንሓድሕድና ብሓቂ ብምስማዕ ድማ ሓይሊ ናይቲ ሲኖዶዳዊ ጕዕዞ ዘርኢ ኢዩ " በለ ።

እዚ ውድድር እዚ ኣብ ተልእኾ ወንጌላውነት ናይቲ ኣብ እተፈላለየ ባህሊ ዝነብሩ ማሕበረሰባት ሓባራዊ ምትሕብባርን ኣኽብሮትን ከም ዝህሉ ዝገብር ናይ ካቶሊክ ክልተ ቛንቋታት ዝዝረበሉ ቤት ትምህርቲ ሳራስ ኤክትራ እተመርኰሰ ኢዩ። እቲ ቤት ትምህርቲ ሕውነት ንምህላው እምነት ዘለዎ ቐጻሊ ቘራጽነት ነቲ ብዛዕባ ሓድነትን ሰላምን ዘለዎ ሰፊሕ ኣረኣእያ ዘንጸባርቕ ኢዩ ።

መንእሰያት ታይላንድ ነቲ ናይ ምምሃዝ ክእለቶምን ቈራጽነቶምን ብምምሕልላፍ እተሓላለኸ ማሕበራዊ ጕዳያት ይፈትሑ ጥራይ ዘይኰኑስ ሰላምን ሓድነት ሕብረተሰብ ንኽህሉ ተስፋ ዝህብ ዘርኢ ይዘርኡ ኣለዉ።