ር.ሊ.ጳ. ፍራንቸስኮ ምስ ናይ ላይበሪያ ርእሰ ብሔር ተራኺቦም

ስምዖን ተ. ኣርኣያ - ሃገረ ቫቲካን

ናይ ረፓብሊካዊት ላይበሪያ ርእሰ ብሔር ጆሰፊ ንዩማ ቦኣካይ ድሕሪ ምስ ር.ሊ.ጳ. ፍራንቸስኮ ዘካየድዎ ክሌዊ ዘተ ብናይ ቅድስቲ መንበር ምስ ሃገራትን ዓለም ለኸ ትካላትን ርክባት ጉዳያት ዋና ጸሓፊ ሊቀ ጳጳሳት ፖል ሪቻርድ ጋላገር ምስ ዝተሰነዩ ምስ ናይ ቅድስቲ መንበር ዋና ጸሓፊ ካርዲናል ፒየትሮ ፓሮሊን ከም እተራኸቡን፥ ኣብዚ ዳሕረዋይ ርክብ ኣብ መንጎ ቅድስቲ መንበርን ላይበርያን ዘሎ ሰናይ ዝምድና፡ ምስ ካቶሊካዊት ቤተክርስትያን ኣብ ዓውድታት ትምህርትን ክንክን ጥዕናን ዝግበር ምትሕብባር፡ ከምኡ’ውን ገለ መዳያት ማሕበራውን ቁጠባውን ኩነታት እታ ሃገር ኣብ ዝምልከቱ ኣርእስታት ምይይጥ ከም እተኻየደን ብፍላይ ንዞባዊ ኩነታትን ተርእዮታት ስደትን ብምጥቃስ ኣብ እዋናዊ ኣህጉራዊ ጉዳያት ሓሳባ ንሓሳብ ከም እተለዋወጡን ናይ ረፓብሊካዊት ላይበሪያ ርእሰ ብሔር ካብ ሃገረ ቫቲካን ቅድሚ ምፍናዎም ምስ ቅዱስ ኣቦና ገጸ በረኸት ናይ ምልልዋጥ ስነ ስርዓት ከም ዘካየዱ ዜና ቫቲካን ናይ ቅድስቲ መንበር ዜናን ክፍሊ ማሕተምን መግልጺ ጠቒሱ የመላኽት።

ገጸ በረኸት ናይ ምልልዋጥ ስነ ስርዓት