ቅድስቲ መንበር - ካዛኪስታን፥ ተወሳኺ ስምምዕ ናብ ግብሪ

እቲ ኣብ መንጎ ቅድስቲ መንበርን ካዛኪስታንን ዝተበጽሐ ስምምዕ ኣብ ግብሪ ክውዕል እዩ፡ እዚ እውን ነቶም ናብታ ሃገር ንሓዋርያዊ ግብረ ኖልዎ ዕዮ ንዝለኣኹ ናይ መንበሪ ፍቓድ ንምርካብ ዘመቻችእ ምዃኑ ናይ ቅድስቲ መንበር ዜናን ክፍሊ ማሕተምን መግለጺ ዝጠቐሰ ዜና ቫቲካን ኣፍሊጡ።

ስምዖን ተ. ኣርኣያ - ሃገረ ቫቲካን

ካብ ቅድስቲ መንበር ቤት ጽሕፈት ዋና ጸሓፊ ዝወጸ መግለጺ ከም ዝሕብሮ፥ ዕለት 19 ሓምለ ኣብ መንጎ ቅድስቲ መንበርን ካዛኪስታንን ብዛዕባ ሓባራዊ ዝምድና ዝምልከት ዕለት 24 መስከረም 1998 ዓ.ም. ንዝተኸተመ ስምምዕ ኣብ ግብሪ ዘውዕል ስምምዕ ምዃኑ ክፍለጥ እንከሎ፥ እዚ ብ14 መስከረም 2022 ዓ.ም. ኣብ ኑር ስልጣን ርእሰ ከተማ ካዛኪስታን ዝተኸተመ ውዕል፥ “ኣብ ካዛኪስታን ንዝለኣኹ ሰራሕተይናታት ሓዋርያዊ ግብረ ኖልዎ ናይ መንበሪ ፍቓድ ክረኽቡ ዘመቻችእ” ምዃኑ ነቲ መግለጺ ዝጠቐሰ ዜና ቫቲካን ኣፍሊጡ።