ሊቀ ጳጳሳት ፔይና ፓራ መንበር ሓዋርያዊ ልኡኽ ቅድስቲ መንበር ዳግማይ ንምኽፋት ኣብ ሆንዱራስ ዑደት የካይዱ

ስምዖን ተ. ኣርኣያ - ሃገረ ቫቲካን

ሊቀ ጳጳሳት ኤድጋር ፔይና ፓራ፡ ትኵእ ሓፈሻዊ ጉዳያት ቤት ጽሕፈት ዋና ጸሓፊ ቅድስቲ መንበር ነቲ ዕለት 12 ሓምለ ኣብ ሆንዱራስ ዝካየድ ዳግማይ ናይ ቅድስቲ መንበር ሓዋርያዊ ልኡኽ ኣገልግሎት ንምጅማር ንዝፍጸም ስነ ስርዓት ንኽመርሑ ናብ ሆንዱራስ ከም ዝገሹን እቲ ዘካይድዎ ዑደት ዕለት 13 ሓምለ ከም ዝዛዘም ናይ ቅድስቲ መንበር ዜናን ክፍሊ ማሕተምን መግለጺ ይሕብር።

ዕለት 12 ሓምለ ብመሰረት እቲ ብናይ ቅድስቲ መንበር ዜናን ክፍሊ ማሕተምን መግለጺ፥ መደብ ሊቀ ጳጳሳት ፔይና ፓራ ነቲ ናይ ቅድስቲ መንበር ቤት ጽሕፈት ሓዋርያዊ ልኡኽ ኣብ ሆንዱራስ ዳግማይ ናይ ምኽፋት ስነ - ስርዓት ክመርሑን ብተወሳኺ ምስ ርእሰ ብሔር ረፓብሊካዊት ሆንዱራስ ኺዮማራ ካስትሮን ሚኒስተር ጉዳያት ወጻኢ ኤድዋርዶ ኤንሪከ ረይና ጋርስያን ክራኸቡ መደብ ከም እተታሕዘን ኣብ ተመሳሳሊ መዓልቲ ሊቀ ጳጳሳት ፔይና ፓራ ምስ ኣባላት ኤጲስቆጶሳዊ ጉባኤ ሆንዱራስ ክራኸቡን ዕለት 13 ሓምለ ድማ ኣብ ባዚሊካ ሱያፓ ብጳጳሳት ሆንዱራስ ተዓጂቦም ብዘዕርገዎ መስዋዕተ ቅዳሴ ኣብ ሆንዱራስ ዘካይድዎ ዑደት ክዛዝሙ እዮም።